Mun lean 18 jahkásaš gánda Soađegilis. Lean álot orron dáppe ja nu mu vánhematge, muhto mu sohka lea eret Soabbada guovllus, mii lea Vuohču gili lahkosis. Mu soga eatnamat leat dál báhcán dahkujávrri vuollái.

Mu eatnigiella lea suomagiella ja lean lohkagoahtán sámegiela vuolledásis. Mu sogas sámegiella lei jo ollásit jávkan ja sámevuohta lea leamaš stuorra heahpat. Mánnán mun ožžon gova, ahte sámegiella ja sámekultuvrra leat jápmán ja daid birra sáhttá lohkat dušše girjjiin. Muhto dál mu sohkabuolva lea beroštuvvan iežas ruohttasiin ja sámegiella lea fas máhccame min sohkii. Sámegiella lea munnje dehálaš ja geahččalan geavahit dan álot go lea vejolašvuohta. Lean maiddai jurddašan sirdit dan iežan mánáide.

Lean dán giđa (2011) abiturientta ja áiggun joatkit universitehtii. Lean dál ohcan sihke Roavenjárgii studeret lága ja Oului studeret sámegiela. Bargguid ja studerema dihte munnje ii báze nu ollu friddjaáigi. Muhto dalle go báhcá, liikon valáštallat ja leat lagašolbmuiguin.

Maid de "rávesolmmožin" barggažan, deahaleamos lea ahte oaččun bargat maiddái sámegillii ja sámeáššiiguin.