Álggahin čakčat 2010 luohkáoahpaheaioahpuid Guovdageainnus SámiAllaskuvllas. Ledjen áibba sihkkar ahte in leat doarvái sápmelaš Allaskuvlii.

Bajásšadden Ohcejogas dievas ahkái. Mánnán johten áhči mielde nu boazobargguin go sámedikki čoahkkimiinge. Mannu sivas in goit goasge hállan sámegiela áhččái, inge iešalddes earáidege. Heiten badjedási áigge johtimis bigálusainge. Go fárrejin Oului, in hállan olles jahkái geasage sámegiela. Go fárrejin Ohcejohkii ruovttoluotta, bargu sámegielat beaiveruovttus ealáskahtii goit johtilit mu sámegiela. Maŋŋá máhccen gulul maid boazobargguide.

Allaskuvllas goit fuomášin, ahte muhan leat ”bajásgeassán” sápmelažžan ja sámevugiin, mu fuomáškeahttá. Dieđán dál ahte lean sápmelaš. Ja danin logange oahpaheaddjin, vai sáhtán sirdit giela nu máŋgasii go vejolaš.