Lean farga guoktelogijahkásaš anárlašnuorra, lean ássan dáppe álo ja goit muhtun áigge vel, ii leat hoahppu fárret eret. Stuđeantan čállen giđđat 2010 ja dál lean doallan stuđeremiin jagi bottu, vai beasan reiset ja bargat. Lea oaivil boahtte jagi vuolgit turismasuorggi stuđeret.

Lean riegádan guđaheakka bearrašii nubbin boarrásamos mánnán. Mii golbma máná leimmet anárašgielat beaiveruovttus ja oahpaimet giela doppe, dasgo áhččán ii leat oahppan sámegiela. Dál lean juo vehá vajáldahttán giela, muhto hálidivččen garrasit doalahit giellamáhtu.

Dál lea miella nu leabuheapmi ahte hálidivččen nu ollu go vejolaš olgoriikkaide, várra muhtun áigái ássatge, muhto hálidivččen goit fárret vel muhtumin ruovttoluotta Anárii.