| Sámediggi ordne seminára sáme- ja maorigielaid ealáskahttimis 13.9.2011 |
|
|
|
Sámediggi ordne čakčamánus Helssegis seminára sáme- ja maorigielaid ealáskahttimis. Seminára galgá doarjut oahpahus- ja kulturministeriija álggahan sámegiela ealáskahttinprográmma plánenbarggu. Ealáskahttinprográmma ulbmilin lea ovddidit ja bajásdoallat sámegiela, máhcahit sámegiela sámiide, geat leat dan manahan ja bargat gielas sámeservoša duvdi giela.
Seminára sáme- ja maorigielaid ealáskahttimis ordnejuvvo Helssegis 13.9. dmu 9.00-15.00. Seminára ordnejuvvo Riikkabeivviid Pikkuparlamenttis, Arkadiankatu 3. Seminárii galgá almmuhit ieas 7.9. rádjai. Sáme- ja maorigielaid ealáskahttinseminára prográmma 13.9.2011.
Sámedikki lágidan Helssega seminára fáddán leat sámegiela ja maorigiela ealáskahttin ja nannen. Seminára dárkkuhussan lea doaibmat oahpahus- ja kulturministeriija álggahan sámegiela ealáskahttinprográmma oassin ja doarjut dan plánema ja ollašuhttima. Jođus leahkki ealáskahttinprográmma ulbmilin lea ovddidit ja bajásdoallat sámegiela ja maiddái máhcahit sámegiela dan massán sápmelaččaide ja maiddái bargat gielas sámeservoša duvdi giela.
Seminára oktan dárkkuhussan lea dieđihit sámedikki ulbmiliin ja doaibmabijuin seailluhit ja ovddidit sámegiela ja maiddái doalahit dan eallinfámu. Ulbmilin lea maiddái buktit ovdan positiivvalaš málle Ođđa Selándas ássi eamiálbmoga, maorigiela ealáskahttin- ja duvdindoaimmain. Maorigiella oaččui virggálaš sajádaga ovdal sámegiela jagi 1987. Maoriid giellabeassi ja eará ealáskahttinfidnut leat beaggán miehtá máilmmi buriid bohtosiin. Dan dihte lea juo rivttes áigi beassat gullat maoriid ieaset muitaleami earret eará maoriid giela ođđaseamos fidnus, mas geavahuvvo dán áigge teknologiija maorigiela ealáskahttimis. Semináras leat ovdan maiddái sámegielaid nugo anárašgiela ealáskahttinfidnut ja daid bohtosat.
Dáinna seminárain sámediggi háliida maiddái hástit ja movttiidahttit sierra oassebeliid bargat sámegiela nannema várás. Seamma háve lea vejolašvuohta ságastallat sámegiela ja kultuvrra boahttevuođa ovddidanvejolašvuođain. Sámediggi háliida sihkkarastit sámegiela boahttevuođa nu sámiid ruovttuguovllus go dan olggobealdege.
Suomas hállojuvvojit golbma sámegiela, davvisáme-, anáraš- ja nuortalašgiella. Buot sámegielat gullet áitatvuloš gielaid jovkui. Jos sámegielat jávket, jávká seamma háve áidnalunddot oassi kultuvrras ja lundui gulavaš árbevirolaš diehtu, dasgo giella, kultuvra ja luondu gullet lávga oktii.
Almmuheamit 7.9. rádjai: Lassidieđut semináras: Sámedikki I várreságajođiheaddji Irja-Seurujärvi-Kari irja.seurujarvi-kari(at)helsinki.fi dahje sámi gielladorvočálli Siiri Jomppanen siiri.jomppanen(at)samediggi.fi
|
|
| Viimeksi päivitetty ( 21.09.2011 ) |