Sámi parlamentáralaš ráđi ávžžuhusas Suoma,Norgga ja Ruoŧa sámedikkit mearridedje ásahit jagi 2011 álggus Interreg- ruhtademiin SáFá- ovdačielggadusprošeavtta oktasaš davviriikkalaš sámegiela dutkan- ja fága/resursaguovddaža vuođđudeami várás.

Duogážin lea sámegiela ovdáneapmi ja girjjálaš giela geavaheami lassáneapmi, mii lea bealistis lasihan buot sámegielaid giellagáhttema, gárggiideami, dutkamuša ja normerenbarggu dárbbu. Oktasaš giellafágalaš guovddáš, masa dákkár giellabálvalusat livčče čohkkejuvvon, veahkehivččii dieđu gávdnamis. Dan lassin guovddaš nannešii sámegielaid gaskasaš gulahallama ja ovttasbarggu. Guovddaža barggut livčče ee. dutkan, giellagáhtten, gárggiideami, terminologiijabarggut, normeren, nammabálvalusat, báikenamavuorká ja diehtojuohkin sámegiel giellafágalaš gažaldagaide.

Prošeaktaáigi lea 6 mánotbaji ja prošeavtta mearreáigasaš prošeaktahoavdan bálkahuvvui hum.kand. Hanna Mattila 28.3.2011 rájes. SáFá- prošeavtta ulbmilin lea čielggadit giellaguovddaža vuođđudan- ja ruhtadaneavttuid. Ulbmilin lea ráhkadit čielggadusa davviriikkalaš sámegiela dutkan- ja fága/resursaguovddaža vuođđudeami várás ja ráhkadit Interreg- joatkkaruhtadanohcamuša guovddaža geahččalanprošeavtta várás. Prošeavtta ollesbudjeahtta lea 45 385€ ja váldoruhtadeadjjit leat Interreg IV A Davvi, Troms Fylkeskommune, Lännstyrelsen Norrbotten ja Norgga sámediggi.

Interreg IV A Davvi lea Eu-prográmma, mii doarju ovttasbarggu rastá riikkarájiid áigodagas 2007-2013. Prográmma ulbmilin lea rádjerasttildeaddji ovttasbarggu bokte doarjut ekonomalaš ja sosiálalaš ovdáneami ja nannet gilvalannávccaid ja oktavuođa prográmmaguovllus. Prográmmaguovlun leat Davvi-Ruoŧŧa, Davvi-Suopma ja Davvi-Norga sihke sámeguovllut. Prográmma ruhtada rádjerasttildeaddji prošeavttaid njeallje sierra prioritehtaguovlluin, main SáFá- ovdačielggadusprošeakta gulla oasseprográmmai 4. Rádjekeahtes ovdáneapmi- Sápmi. Interreg IV A Davvi - prográmma hálddahusvirgeoapmahažžan dán áigodagas doaibmá Norrbottena leanaráđđehus.

Lassedieđut:   

SáFá - ovdačilgehusprošeavtta má. prošeavttahoavda Hanna Mattila Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.  

sámi vs. giellaáššiidčálli Outi Paadar   Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

SáFá -förstudieprojekt