| Sajosa fidnodoaibman-, mįrkanastin- ja buvttaovddidanfidnu įlggii |
|
|
|
Sámekulturkuturguovddáš Sajosa gárvvásmuvvama lahkonettiin Anára kirkosiidda ja Sajosa leat márkanastigoahtán maiddái riikkaidgaskasaš kongreassa- ja dáhpáhusbáikin. Márkanastindoaimmaid vuođđun lea ealli sámekultuvra.
Fidnu váldomihttomearrin lea gárgehit ja dahkat doaibmamálle sámekulturguovddáš Sajosa fidnodoaibmamii. Čoahkkinprográmmat gárgehuvvojit nu, ahte doaibma lea ávkin oppa sámeguvlui nu viidát go vejolaš. Fidnu ulbmilin lea gárgehit maiddái ođđa dáhpáhusaid, main lea sámefáddá. Dát danin go dáhpáhusain lea miehtemielalaš váikkuhus guovllu ealáhusdoibmii ja eallindiliide. Fidnus movttiidahttet kultur- ja luondduturismmas beroštuvvan olbmuid álgit fitnodatdoallin ja bálvalusaid buvttadeaddjin Sajosa boahttevaš gussiide. Márkanastindoaimmat leat ee. fitnodatturismii gullevaš meassut, aktiivvalaš vuovdin, oahpásmuvvanmátkkiid ordnen sihke sosiálalaš media.
Sámeguovllu márkanastet riikkaidgaskasaš kongreassakundáriid diđolašvuhtii máŋggabealat ja sisdoalus dáfus earálágan čoahkkinbáikin. “Anárii bohtet dakkár fitnodagat ja organisašuvnnat, mat háliidit dilálašvuođastis eanet go čomistanturismabáikkis dahjege nuppiiguin sániiguin eakti sámekultuvrra ja áidnalunddot luonddu doaibmevaš bálvalusaiguin”, lohká fidnu jođiheaddjin válljejuvvon anárlaš, sohkaduogá˛isttis nuortalaš Marja Männistö.
Sámekulturguovddáš Sajos gárvána atnui ođđajagimánus 2012 Anára kirkosiidii, luonddus dáfus áidnalunddot Anárjávrri gáddái. Sajos boahtá leat kultur-, hálddahus-, skuvlen- ja oahpahusguovddáš sihke máŋggabealat dáhpáhusdállu, man vuođđun leat sámi árbevierut. Sámekulturguovddá˛is fállet eakti sápmelaš kultur- ja oahppanbirrasis alladását čoahkkin-, čájáhus- ja čoahkkinbáikkiid, main leat ođđaáigásaš av-buvttadanrusttegat sihke vejolašvuođa ordnet dáhpáhusaid kultuvrra gudnejahttimiin ovttasbargguin eará doaibmiiguin ja fierpmástuvvamiin sihke nášuvnnalaččat ja riikkaidgaskasaččat. Sajosis lea čoahkkinsadji juobe 500 olbmo dáhpáhussii. _ _ _
Lassidieđuid addá Sámekulturguovddá˛a márkanastinfidnu prošeaktaoaivámuš Marja Männistö, šleađgapoasta: Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel 010 839 3109. _ _ _ Sámekulturguovddáš Sajos, mii huksejuvvo Anára kirkosiidii, boahtá leat Suoma sápmelaččaid hálddahusa ja kultuvrra guovddáš. Sámekulturguovddá˛a ulbmilin lea láhčit sámiide buoret dilálašvuođaid ie˛as eavttuiguin doalahit ja ovddidit ie˛aset giela, kultuvrra ja ealáhusdoaimma sihke dikšut ja ovddidit kulturiešráđđema sihke maiddái duvdit sámiid almmolaš eallineavttuid ovdáneami. Lassin guovddá˛a ulbmilin lea buoridit vejolašvuođaid juohkit ja oa˛˛ut dieđuid sápmelaččain eamiálbmogin. Sámekulturguovddáš Sajosa huksemii lea mieđihuvvon 5 miljovnna euro Eurohpá uniovnna guovlluovddidanruhtaráju ruđain. |
|
| Viimeksi päivitetty ( 25.08.2011 ) |
Lappi lihttu mieđihii Sámediggái EU-guovlluovddidanruhtarájus ruhtadeami beannot jagi guhkkosaš márkanastinfidnui. Fidnu ovttasbargooassebealit leat Anára gielda, Siida, Sámeguovllu oahpahusguovddáš sihke 15 guovllu turismafitnodateaiggáda.