| Vuoigatvuohtaministtar Henriksson: buot sámemánáide duohta vejolašvuohta oahppat iežaset giela |
|
|
|
- Giela ealáskahttindoaimmain galgá bisuhit mielas, ahte sámiide vuođđolágas dorvvastuvvon vuoigatvuohta iežaset gillii ja kultuvrii guoská olles riikii. Galgá giddet earenoamáš fuomášumi dasa, ahte buot sámimánáin lea duohta vejolašvuohta oahppat gielaset ja kultuvrraset olles riikkas. Vuoigatvuohtaministtar Anna-Maja Henriksson deattuhii ságastis sáme- ja maorigielaid ealáskahttinsemináras 13.09., ahte sámegielaid ealáskahttima várás galgá hábmet bissovaš doaibmamálle.
Leat ožžon buriid vásihusaid sámegiela ealáskahttimis omd. giellabesiin ja eará ealáskahttinprošeavttain. Ministtar máinnašii ságastis anárašgiela diliid buorre ovdamearkan lihkkostuvvan gielaealáskahttimis. Anárašgiela ealáskahttima ovdanbuvttii semináras Marja-Liisa Olthuis.
- Sámegiela ealáskahttinprográmma doaibmabijuiguin galgá oažžut áigái guhkitáigásaš ja nannosut suoji buot Suomas hubmojuvvon golmma sámegillii, gávnnahii ministtar. - Sámegiela ealáskahttinprográmma doaibmabijuid ollašuhttin lea čállojuvvon maiddái ráđđehusprográmmii ja doaibmabijut galgetge álggahuvvot nu fárgga go vejolaš dan maŋŋá go prográmma lea dohkkehuvvon. 
Hálddahushoavda Juha Guttorm, láhkaásaheami hoavda Sami Manninen, sámedikki stivrra lahttu Petra Magga-Vars, ságadoalli Klemetti Näkkäläjärvi, vuoigatvuohtaministtar Anna-Maja Henriksson ja stivrra lahtut Anu Avaskari ja Asko Länsman Helssegis 13.9.2011.
Loga vuoigatvuohtaministtar Anna-Maja Henriksson olles sága sámedikki ordnen sáme- ja maorigielaid ealáskahttinsemináras Helssegis 13.09.2011 dás. |
|
| Viimeksi päivitetty ( 16.09.2011 ) |