Sámegielaid ealáskahttinprográmma gullá sámedikki válgabaji deháleamos ulbmiliidda |
![]() |
![]() |
Sámegielaid ealáskahttinprográmma lágideapmi lea okta sámedikki dán válgabaji deháleamos ulbmiliin, gávnnahii sámedikki ságadoalli Klemetti Näkkäläjärvi sáme- ja maorigielaid ealáskahttinsemináras Helssegis. - Lean ilus, ahte ealáskahttinprográmma válmmaštallan ovdana, gávnnahii Näkkäläjärvi ja giittii maid dan, ahte stáhtaráđđi lea čatnasan ráđđehusprográmmas sámegielaid ealáskahttinprográmma ollašuhttimii ja ruhtadeapmái.
Ráđđehusprográmma maŋŋá lea čielgan, ahte Suoma ja olles Eurohpa ekonomiijadilli lea hedjoneamen johtilit. Ekonomiijaroassu ii Näkkäläjärvi mielas goittotge oaččo heajudit buot heajumus sajis ealli, Eurohpa áidna álgoálbmoga, sámiid, diliid. - Suopma galgá deavdit iežas riikkaidgaskasaš ja ráđđehusprográmmii čállojuvvon geatnegasvuoidaidis sámi álbmogii ja sámegielaide.
Loga ságadoalli Klemetti Näkkäläjärvi rahpansáhkavuoru sáme- ja maorigielaid ealáskahttinsemináras Helssegis 13.09. dás.
|
|
Viimeksi päivitetty ( 14.09.2011 ) |