Sámi parlamentáralaš ráđi oažžun dieđuid vuođul Avvila bálgesa ulbmilin lea mánnodaga 26.9.2011 álggahit bággonjuovvamiid. Dat daid ollašuvvama mielde loahpahivččii Njellima boazosápmelaččaid boazoealáhusa ja bearrašiid váldoáigáiboađu, duššadivččii namuhuvvon boazosápmelaččaid ja sin bearrašiid boazoealu measta ollásit ja loahpahivččii Njellima anársápmelaččaid boazodoalu ollásit. Anárašgiella ja kultuvra leat duođalaččat áitojuvvon. Juos bággonjuovvamat čađahuvvojit, de čuovvumuššan sáhttá leat njellimlaččaid boazosápmelaš bearrašiid eret muotkun dan guovllus.

 

Sámi parlamentáralaš ráđđi oainnu mielde bággonjuovvamat heaittihit Njellima boazosápmelaččaid ja sin bearrašiid vejolaš bargat sámi kultuvrra mielde. Ráđđi geahččá bággonjuovvamiid mannat duođalaččat ruossalassii ON:a siviila- ja politihkalaš vuoigatvuođaid soahpamuša 27. Artiklain. Seamma ládje bággonjuovvamat mannet ruossalassii Suoma vuođđolága 15 §:in, mii meroštallá opmodatsuoji. Sámi parlamentáralaš ráđi oainnu mielde bággonjuovvamat leat čielga čujuhus das, mot Suoma boazodoalloláhka ii váldde vuhtii sámi boazodoalu mihtilmas iešvugiid, mas siiddat guođohit ja atnet ávvira iežaset bohccuin ja unnit ovttadagain go dálá lága meroštallan bálges. Siiddaid luonddudilit sáhttet spiehkastit nu olu nuppiineaset, ahte gaskamearálaš njuovvanproseanta buot bálgesa osolaččaide sáhttá leat dáhpalaš ovttaskas siidii – dego Njellima dáhpáhusas lea geavvan. 

 

Sámi parlamentáralaš ráđđi lea Suoma, Norgga ja Ruoŧa sámedikkiid gaskavuođa parlamentáralaš ovttasbargoorgána.

 

Lassidieđut:

 

Suoma sámedikki ja sámi parlamentáralaš ráđi ságadoalli Klemetti Näkkäläjärvi, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. tel. +358 50 524 2109

Suoma sámedikki láhkačálli Aimo Guttorm, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. tel. +358 50 3211 265

 

Sámi parlamentáralaš ráđi ávžžuhus (eŋgelasgillii)