| Sámenuoraid davviriikkala konferánsa Suoločielggis |
|
|
|
Sámenuoraid davviriikkalaš konferánsa ordnejuvvo Suoločielggis golggotmánus. Konferánsa lea golmmabeaivvásaš, dat álgá duorastaga 13.10. ja bistá lávvardaga 15.10. rádjái. Konferánssa váldoordnejeaddjin bargá Suoma sámedikki nuoraidráđđi. Konferánsii bohtet maiddái Norgga ja Ruoŧa sámi nuoraidráđiid lahtut.
Konferánsa lea hábmejuvvon temáid mielde. Duorastaga temán leat ´árbevirolaš diehtu´ ja ´turisma´. Iešguđet suorggi áššedovdit bohtet doallat ságaid áššiin. Duorastateahkes ordnejuvvo gáktečájahus, mas oaidnit iešguđetlágán gávttiid. Bearjadaga temán lea ´gákti ja dan ođasmuvvan´. Temás dollojuvvojit ovdaságat. Joavkoságastallamiid várás leat várrejuvvon sajit ja áigi. Bearjadateahket lea várrejuvvon friija ovttas leahkimii ja lávddi ala boahtá SomBy. Lávvardaga dollojuvvo nuoraidráđi čoahkkin.
Konferánsa lea rabas ja friija buot berošteaddjiide. Almmuheamit maŋimustá 30.9.2011, henriikka.mikkola(at)samediggi.fi. Sávvat buot berošteaddjiide buresboahtima Nuoraid konferánsii Suoločielgái! |
|
| Viimeksi päivitetty ( 28.09.2011 ) |