Sámi parlamentarihkkárat čoahkkanit Girkonjárggas PDF Tulosta
Sámi parlamentáralaš ráđđi lágida sámeparlamentarihkkárkonferánssa goalmmát geardde. Dán háve lea Girkonjárggas skábmamánu 10. b. 2011. Konferánssa fáttát leat árbevirolaš máhtut ja árktalaš áššit. Lassin galget árvvoštallat ovddit parlamentarihkkárkonferánssa bohtosiid. Konferánsa čohkke sámedikkiid álbmotválljejuvvon áirasiid ja ruoššabealde sámiid ovddasteddjiid. Konferánssa boađus šaddá loahppacealkámuš.

img_8643.jpgGovas: sámeparlamentarihkkárat Roavvenjárggas 2008.

 

Konferánsa lágiduvvo Thon Hoteallas Girkonjárggas. Konferánsa álgá skábmamánu 10.b. dii. 09.00 ja loahpahuvvo dii. 18.00. Ávvumállásat eahkedis dii. 19.00. Bearjadaga skábmamánu 11.b. 2011 vuolgališgoahtit ruoktot. Sámi parlamentáralaš ráđi stivrras lea ovddasvástádus konferánssa organiseremis ja lágideamis.

 

Sámeparlamentarihkkárkonferánsa mii vuosttaš geardde lágiduvvui Jåhkåmåhkkis Ruoŧas guovvamánu 24.b. 2005, mearridii ahte juohke goalmmát jagi galgá lágiduvvot konferánsa sámeparlamentarihkkáriidda. Nubbi sámeparlamentarihkkárkonferánsa lágiduvvui Roavvenjárggas Suomas golggotmánu 29.b. 2008.

 

Jåhkåmåhkke julggaštusa 2005 gávnnat dáppe.

Roavvenjárgga julggaštusa 2008 gávnnat dáppe. 

 

Sámi parlamentarihkáriid konferánssa OĐĐA prográmme skábmamánu 10. beaivve 2011 Girkonjárggas

 

Sámi parlamentáralaš ráđi dievasčoahkkin skábmamánu 9.b. 2011

 

Sámi parlamentáralaš ráđi (SPR) dievasčoahkkin lágiduvvo skábmamánu 9.b. 2011 Girkonjárggas. Sámi parlamentáralaš ráđđi lea Davviriikkaid sámedikkiid oktasašbargoorgána. Dievasčoahkkima fuolaha Sámi parlamentáralaš ráđi oktasašstivra, ja gohččun áššelisttuin sáddejuvvo unnimusat 2 vahku ovdal čoahkkima álgima. Gohččumis boahtá ovdan makkár áššit evttohuvvojit meannuduvvot.

 

Lassedieđut Suoma bealde

politihkkaáššit: klemetti.nakkalajarvi(at)samediggi.fi

geavatlaš ordnemat: siiri.jomppanen(at)samediggi.fi ja outi.paadar(at)samediggi.fi

Viimeksi päivitetty ( 16.11.2011 )
 
‹‹Takaisin