Sámi parlamentáralaš ráđi jođiheapmi sirdásii Suomas Norgii PDF Tulosta
Suoma sámedikki ságadoalli Juvvá Lemet, Klemetti Näkkäläjärvi, lea doaibman Sámi parlamentáralaš ráđi ságadoallin maŋimuš guokte jagi. Sámi parlamentáralaš ráđi jođiheapmi sirdásii Norgga sámediggái Suoma sámedikkis skábmamánu 9. beaivve Girkonjárggas. Sámi parlamentáralaš ráđi (SPR) dievasčoahkkin lágiduvvui dán háve Girkonjárggas.

 

Sámi parlamentáralaš ráđđi lea sámedikkiid davviriikkalaš ovttasbargoorgána. Sámi parlamentáralaš ráđi dievasčoahkkin ságastalai ja gieđahalai čoahkkimisttis ee. nuoraidpolitihkalaš áššiid, giellaovttasbarggu, sámi boraspireváttuid birra ja sámi čearddalaš dovddaldagaid lávdegotti doaimmas.

 

parlamentarihkkarat_girkonjarggas_2011_copyright_samediggi.no_panorama_500px.jpg

Govas: sámeparlamentarihkkárat Girkonjárggas 2011. Govva Norgga Sámediggi.

 

Ovdan sámi nuorat ja giellaovttasbargu

 

Sámi parlamentáralaš ráđi dievasčoahkkima oktavuođas lágiduvvui uhcit seminára, man fáddán ledje nuoraidpolitihkalaš áššit. Seminára maŋŋá SPR dievasčoahkkin mearridiige, ahte galgá álggahuvvot oktasaš nuoraidráđđi ja čadnot sámi parlamentáralaš ráđđái. Nuoraidráđđi galgá bargat nuoraidpolitihkalaš áššiiguin ja doaibmat sámi nuoraid oktasaš jietnan, sihke riikkaidgaskasaččat ja Sámis.

 

spr_nuoraidraddi_2011_copyrights_samediggi.no_500px.jpgGovas: Sámenuorat Suomas, Norggas ja Ruoŧas. Govva Norgga Sámediggi.

 

Lassin sámi parlamentáralaš ráđi dievasčoahkkin mearridii ávžžuhit Sámedikkiid searvat Davviriikkalaš sámegiela dutkan- ja ámmát/resursaguovddáža geahččalanprošektii. Sámedikkit oasálastet prošektii juos EU Interreg juolluda ruhtadeami dahje prošektii gávdno ruhta muhtun eará ruhtagáldus. Lassin ovttasbarggu eaktun lea gávdnat ruđa ja fágabargiid guovddáža geahččalanprošeavtta várás.
 

Viimeksi päivitetty ( 21.11.2011 )
 
‹‹Takaisin