| Sámediggi ovddida sámi parlamentarihkkáriid julggatusaid olláhuvvama davviriikkala sámi soahpamua joatkkaiehtadallamiin |
|
|
|
Sámi parlamentáralaš ráđđi lágidii goalmmát geardde sámeparlamentarihkkárkonferánssa Girkonjárggas skábmamánu 10. beaivve 2011. Konferánsa čohkkii sámedikkiid álbmotválljejuvvon áirasiid ja Ruošša beale sámiid ovddasteddjiid. Konferánssa fáttain ledje árbevirolaš diehtu ja árktalaš áššit. Lassin meannuduvvojedje sámi soahpamušáššit ja árvvoštallojuvvui ovddit parlamentarihkkárkonferánssa bohtosat. Konferánssa loahpas dohkkehuvvui sámi parlamentarihkkáriid oktasaš loahppacealkámuš, Girkonjárgga julggaštus.
Davviriikalaš sámi soahpamuš ovdána
Sámedikki ságadoalli Juvvá Lemet, Klemetti Näkkäläjärvi namuhii vássán ságadoallibaji ja sámi servodaga eanemus mearkkašahtti áššin davviriikkalaš sámi soahpamušas joatkkašiehtadallamiin álgima. - Julggaštusaid olláhuvvan lea nannosit čadnojuvvon sámedikkiid resurssaide ja stáhtaid dáhttui ovddidit sápmelaččaid rivttiid. Sámedikkit ovddidit julggaštusaid olláhuvvama ee. davviriikkalaš sámi soahpamušas joatkkašiehtadallamiin, joatká Juvvá Lemet.
Juvvá Lemet sálloša go buot SPR:a barggu lea váttásnuhttán ja váttásnuhttá dás duohkonai resursaváili. - SPR:s ii galgga šaddat dušše ságastallanklubba, muhto dárbbahit čatnaseami, oktasaš čállingotti ja sámedikkiid hálddahusaid fásta ovttasbarggu SPR:a mearrádusaid olláhuhttima várás ja maiddái čoakkámiid válmmaštallama várás, fuomášahttá Juvvá Lemet, Klemetti Näkkäläjärvi.
Loga olles Juvvá Lemeha sága sámi parlamentarihkkáriid konfereanssaid julggaštusaid olláhuvvamis
Juvvá Lemet lea ilus das, go sámiid árbevirolaš diehtu, máhttu ja dan suodjaleapmi leat dáid guhtaliid loktejuvvon ovdan sámi servošis. Sámedikkit ja sámi parlamentáralaš ráđđi galggalenai váldit duođas árbevirolaš dieđu suddjema. - Mii dárbbahit maid oktasaš prinsihpaid mot sámi kulturárbbi galgá suodjalit ja dárbbahit etihkalaš prinsihpaid suodjalit sámi kultuvrra, vai bastit bargat ovttas uhkiid vuostá mat bohtet olggobealde, lohka Juvvá Lemet.
Ruošša sámit galget dievas miellahttun mielde doibmii
Juvvá Lemeha mielas boahtte sámi parlamentáralaš ráđi doaibmaáiggis galgánai earenoamáit giddet fuomášumi sámiid sajádaga buorideapmái ja doarjumii, vai sápmelaččaid dilli buorránivčče. - Mii davviriikkaid sápmelaččat galgat addit dievaslaš doarjaga Ruošša sámiide vai sii šaddet dievaslaš miellahttun SPR:a bargui, lohká Juvvá Lemet.
Vuosttaš sámeparlamentarihkkárkonferánsa lágiduvvui Jåhkåmåhkkis Ruoŧas guovvamánu 24.b. 2005. Nubbi sámeparlamentarihkkárkonferánsa lágiduvvui Roavvenjárggas Suomas golggotmánu 29.b. 2008. Sámi parlamentáralaš ráđđi lea vuođđuduvvon 2000-luvun álggus ja dat doaibmá Davviriikkaid sámedikkiid ovttasbargoorgánan. Maiddái Ruošša sámit oassálastet ráđi bargui.
Lassedieđut Suoma bealde |
|
| Viimeksi päivitetty ( 18.11.2011 ) |
