Govas: Maarit Magga, Petra Biret Magga-Vars, Risten Elle Gaup-Juuso, Saara Näkkäläjärvi, Erkki Lumisalmi

- Joavkobearašbeaiveruoktu Miessi lea ovdamearka das, mo vátna resurssain ja guhkesáigásaš bargguin sáhttá ollašuhttit dehálaš ja mearkkašahtti lávkkiid ovddidit sámegiela, lohká sámi giellaráđi ságadoalli Erkki Lumisalmi. Sámegiela seailun boahttevaš sohkabuolvvaide lea sámi kultuvrra eallineaktu. Giella lea kultuvrra deháleamos oassi: dat lea sámi kultuvrra váibmu. Mánáiguin barggadettiin lea earenoamáš dehálaš geavahit sámegiela systemáhtalaččat, beroškeahttá gievra váldogielas. – Dán beaiveruovttu bargit leat lihkostuvvan bures ja ovdamearkan midjiide buohkaide, giitala Lumisalmi.

Diplomi Gielladahku | Kielâtaho | Ǩiõlltuâjj | Kieliteko 2011 (PDF)

Perustelut | vuođuštusat | vuáđustâsah | vuâđđjurddi (PDF)

Matleena Fofonoff käsityö | duodji | tyeji | tuâjj (PDF)

Bálkkašupmi lea Matleena Fofonoff duodji

Sámi gielladahku – bálkkašupmi lea duodji, man duojára lea válljen Sámi Duodji rs. Bálkkašupmi lea veaddeduodji: veaddelihtti (nuortalašgillii vuä´ddču´ǩǩ), leaibelihtti (nuortalašgillii lei´bbtiskk) ja sohkarlihtti (nuortalašgillii säähharne´cc) ja dáid lea duddjon duojár, Matleena Fofonoff Njižžejávrris, Anáris.

Govas: Sámi gielladahku –bálkkašupmi 2011. Bálkkašumi duddjon duojár Matleena Fofonoff 

Sámedikki vuođustusat

Joavkobearašbeaiveruoktu Miessi lea doaibman Eanodagas 10 jagi ja dan áiggis Miessi lea dikšon sullii 40 máná. Eanodaga suohkan gullá sámiid ruovttuguvlui ja suohkana sámegielat álbmot lea unnitlogus.

Sámedikki mielas árbediehtu lea buot nannoseamos dalle, go dat lea rivttes giella- ja kulturbirrasis. Máŋggabealat ja geabbilis sámegiela ja –kultuvrra máhtuin leat ollašuhttojuvvon buot sámemánáid gielalaš vuoigatvuođat. Sámegielaid boahttevuođa nannema dihte lea dehálaš ahte sámemánát ožžot sámegielat beaivedivššu ja dat vuođđuduvvá sámeárvvuide. Miessi bearašbeaivedivššus dikšogiella lea sámegiella ja bargiid eatnigiella lea sámegiella.

Sámediggi sávvá, ahte bálkkašupmi movttiidahttá Eanodaga suohkana buoridit ja ovddidit sámegiela sajádaga suohkana iešguđege suorggis, ja maiddái eará virgeoapmahaččaid buoridit sámegielat fálaldagaid.

Lassedieđut: gielladorvočálli Siiri Jomppanen. tel. 010 839 3111 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.