| Sámenuoraid dáiddadáhpáhus ođđa Sajosis 28.-29.03.2012 |
|
|
|
Sámenuoraid dáiddadáhpáhus 2012 ordnejuvvo aiddo válmmastuvvan Sámekulturguovddáš Sajosis Anáris njukčamánu loahpas. Dáhpáhusa riikka dási váldotemán lea musihkka iešguđet šlájain. Dasa lassin nuorat besset gilvalit njoarosteamis Sajosa birrasis, gos ordnejuvvo maiddái njoarostansáttačuoigan dološmállet muorrasabehiiguin.
Dáiddadáhpáhusas válljejuvvojit sámenuoraid ovddasteaddjit Nuorra Kultuvra SOUNDS –dáhpáhussii, mii ordnejuvvo Turku -gávpogis 25.-27.05.2012.
Sámenuoraid dáiddadáhpáhus lea dán jagi guovttebeaivásaš, mainna seammás ávvuduvvo ođđa Sajosa atnui váldin. Oassálastiide várrejuvvo vejolašvuohta ijastallat Anára márkanis. Sámediggi dieđiha skuvllaide buori áiggis dáhpáhusa ordnemiin ja almmuhanáigetávvalis. Riikka dáhpáhusa njuolggadusat, mat čuvvojuvvojit maiddái sámenuoraid dáiddadáhpáhusas, gávdnojit dán liŋkka bokte http://nuorikulttuuri.fi/sounds/.
Dáiddadáhpáhusa válmmaštallin sámedikkis bargá oahppamateriálaplánejeaddji Gáijon Issát Ánne/ Anni Näkkäläjärvi (anni.nakkalajarvi(at)samediggi.fi) ovttas nuoraidčálli Inka Nuorgamiin (inka.nuorgam(at)samediggi.fi). Čuovo neahttasiidduid!
Ovddeš sámenuoraid dáiddadáhpáhusaid raporttat leat oaidnimis dás. |
|
| Viimeksi päivitetty ( 04.01.2012 ) |