Evttot lahtu sámedikki nuoraidráđđái 2012-2013 |
![]() |
![]() |
Sámedikki oktavuođas doaibmá nuoraidráđđi. Ráđi váldobargun lea ovddidit sámenuoraid gielalaš ja kultuvrralaš vuoigatvuođaid sihke nannet sámenuoraid identitehta nuoraidbarggu bokte. Lassin ráđđi galgá válmmaštallat daid sámedikki evttohusaid, álgagiid, cealkámušaid ja eará bealiváldimiid, mat gusket sámenuoraid.
Ráđđái válljejuvvojit vihtta fásta lahtu sihke sidjiide juohkeoktii persovnnalaš várrelahtut. Lahtut galget leat 18–25-jahkásaš aktiivvalaš sámenuorat. Lassin ráđđái válljejuvvojit vihtta fásta áššedov-di. Áššedovdilahtut galget válljejuvvot boađidettiin leat 15–17-jahkásaččat. Ráđi lahtut eai dárbbaš leat sámedikki lahtut, eaige sii dárbbaš ássat sámeguovllus. Maiddái sámegiella eatnigiellan ii leat vealtameahttun, muhto sámegiela dáidu lea sávahahtti. Nuoraidráđi válljemis váldojuvvo vuhtii, ahte lahtut ovddastit nu viidát go vejolaš olles sámeguovllu ja maiddái sierra giellajoavkkuid.
Nuoraidráđđi bargá sámedikki stivrai evttohusa vejolaš lahtuin, ja loahpalaš mearrádusa dahká sámedikki čoahkkin.
Sáhtát evttohit du mielas nuoraidráđđái heivvolaš 18–25-jahkásaš aktiivvalaš sámenuoraid ja áššedovdilahttun heivvolaš 15–17- jahkásaš nuoraid. Evttohusaid vuođustusaiguin sáhttá sáddet šleađgapoasttain Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje poastta fáro Inka Nuorgam, Sajos, 99870 ANÁR 25.1.2012 rádjai.
Lassidieđuid oaččot, juos háliidat, nuoraidčállis. |
|
Viimeksi päivitetty ( 24.01.2012 ) |