| Sámit girkus -seminára Sajosis |
|
|
|
Oulu bismagoddi lágida Sápmelaččat girkus -seminára Sajosis lávvardaga 4.2.2012 dmu 9.30 - 21.00. Prográmmas leat miellagiddevaš sáhkavuorut ja panelaságastallamat ja vel eahkedis vuoiŋŋalaš musihka konsearta. Beaivvi prográmma ja boradeamit leat olbmuide nuvttá. Geahča rávvagiid borademiide almmuheamis.
Seminára prográmmai gulavaš beaive- ja eahkesbeaimállásat fállojit Sajosa restauráŋŋa Gallas. Eahkesbeaimális dmu 17-19. Dmu 19-21 lea vuoiŋŋalaš musihka konsearta, gos loaiddasteaddjin leat Wimme, Anna Näkkäläjärvi-Länsman, Giellavealggut, Rauni Mannermaa ja Tiina Sanila-Aikio sihke Annukka Hirvasvuopio-Laiti. Seminára lea nuvttá ja buohkaide rabas. Seminára dulkojuvvo davvisámegillii, anárašgillii ja suomagillii.
Borademiide bivdit almmuhit disdaga 31.1.2012 rádjai anneli.sillanpaa(at)evl.fi dahje 08 535 8550. Sotnabeaivve 5.2. dmu 11 rájes Bismmameassu Anára girkus. Lágideaddjit: Oulu Bismagoddi, Girkoráđđehus, Anára searvegoddi, Sámediggi, Giellagas-Instituhtta ja SámiSoster rs. |
|
| Viimeksi päivitetty ( 26.01.2012 ) |