| Nuortalašgielat máinnasgirji almmustuvai |
|
|
|
Nuortalaš dološ máidnasiid sisttisdoalli girji "Kå´llmuõrâž" lea olggosaddon iežasgielat, nuortalašgielat prentosin. Sámediggi albmadii girjji davviriikkalaš sámi giellalávdegotti mieđihan sierraruhtademiin. Girji lea buorre lassi nuortalašgiela oahpahussii, mii lágiduvvo skuvllain ja rávesolbmuid oahppolágádusain.
"Kå´llmuõrâž" - girji lea almmustahtton álggos jagi 1990 ruoššagielat prentosin. Zoja Nosova logai girjji muitalusaid nuortalašgillii báddái, mas bargojoavku Katri Fofonoff, Eino Koponen, Jouni Moshnikoff, Tiina Sanila-Aikio ja Seija Sivertsen fuolahedje máidnasiid nuortalašgiela dálá čállinvuohkái. Girjji ođđa govaid lea bargan Merja Aletta Ranttila.
|
|
| Viimeksi päivitetty ( 07.02.2012 ) |
Govain ruoššagielat álgogirji ja dál olggosaddon nuortalašgielat girji. Girji lea oažžumis sámedikki skuvlen- ja oahppamateriáladoaimmahagas, sámekulturguovddáš Sajosis Anáris.