Bargojoavkku evttohus sámegiela ealáskahttima doaibmaprográmman gávdno dás.

Oahpahus- ja kulturministeriija dieđáhus 2.3.2012:

Bargojoavku evttoha sámegiela ealáskahttima várás máŋggabealat doaibmabijuid

Sámegielaid dáládili ja ealáskahttima guorahallan bargojoavkku mielde buot golbma Suomas hállon sámegiela - davvisámegiella, anárašgiella ja nuortalašgiella - leat áitatvuložat. Bargojoavkku mielde sámegiela ealáskeapmi eaktuda máŋggaid doaibmabijuid. Bargojoavku geahčai guovddáš hástalussan sihkkarastima doarvái bures sámegiela ja sámegielat oahpahusa ja beaivedivššu, sierra surggiid dohkálaš ja giela doarvái máhtti ámmátolbmuid vátnivuođa sihke sámiid eretfárrema ruovttuguovllus, mii lea mearkkašan sámegielaid lunddolaš geavahanbirrasiid geahppáneami. Bargojoavku luohpadii evttohusa oahpahusministtar Jukka Gustafssonii ja kultur- ja valástallanministtar Paavo Arhinmäkii bearjadaga njukčamánu 2. beaivve.

Sámegiela ealáskahttima várás bargojoavku evttoha earret eará giellabeassedoaimma stáđásmahttima ja viiddideami. Giellabeassi lea gielalaš vehádagaide dahje eamiálbmogiidda dárkkuhuvvon doaibma, mas buot doaibma dáhpáhuvvá álggu rájes dušše guoskevaš álbmotgielain, vaikke oassálastit eai máhtášivčče dan olláge. Lassin galgá lágidit resurssaid sámegielat beaivedivššu fállamii lága eaktudan vugiin, go das lea dehálaš rolla sámegiela ja kultuvrra doalaheaddjin ja nannejeaddjin. Bargojoavkku mielde galgá maiddái ovddidit sámegiela oahpahusa olles riikkas sihke lasihit sámegiela máhtti dohkálaš árrabajásgeassin- ja oahpahusbargiid meari.

Bargojoavkku mielde sámi giellalága ollašuvvan dievasmearálažžan gáibida virgeoapmahaččaid sámegiela geavaheami lasiheami erenomážit sámiid ruovttuguovllus. Lassin bargojoavku evttoha sámegielat radio-, tv- ja internet-sisdoaluid fállama lasiheami dovdomassii, sámegiela giellagáhttema, vurkema ja dutkama ovddideami sihke sámedáidaga ja kultuvrra doarjaga lasiheami. Sámiid ruovttuguovllu lassin lea dehálaš čuozihit giela doarjundoaimmaid maiddái riikka eará osiide, gos stuorámus oassi sámiin dán áigge ássá.

Jávkan áitta guoská čielgasepmosit nuortalašgiela ja anárašgiela. Nuortalašgiela, mii lea buot rašimus dilis, ealáskahttima várás bargojoavku evttoha sierradoaimmaid, vuoi giela geavaheapmi ja oahppan lassánivčče.

Bargojoavkku gárven doaibmabidjoprográmma sámegiela ealáskahttima várás sisttisdoallá árvvoštallama Suomas hállon sámegielaid dáládilis, gielaid seailuma ja ovddideami guovddáš hástalusaid, visio sámegielaid ealáskahttima várás jagi 2025 rádjai ja maiddái konkrehtalaš doaibmabijuid dili buorideapmin. Bargojoavkomuittuhančála lea lohkamis oahpahus- ja kulturministeriija neahttasiidduin www.minedu.fi/OPM/Julkaisut/2012/Saamen_kieli.html .

Lassidieđut:

- spesiálaplánejeaddji Mikko CortésTéllez, tel. 09 160 77022

- oahpahusráđđi Maija Innola, tel. 09 160 77051