Prinsabárra galledii Heahtá heargevuodjimiin ja oahpásnuvai Davvi-Sámi luondduguovddáža Skierri čájáhussii ja sámi musihkkii. 

 

Prinsa Albert II ja prinseassa Charlene oahpásnuvvame Skierri čájáhussii. Govva: Hánno Heaikka Ásllat

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

”Guossástallamis lei hui liekkus ja lunddolaš áibmu. Prinsabárra lei duođaid beroštuvvan sámi kultuvrras, árktalaš áššiin ja dálkkádatrievdama váikkuhusain álgoálbmogiidda. Munnje dagai hui olu váikkuhusa prinsa Alberta stuora beroštupmi ja hállu ovddidit álgoálbmogiid rivttiid ja bargat dálkkádatrievdama caggama eastádeami ovdii”, muitalii sámedikki ságadoalli Juvvá Lemet.

 

 Govas Josába Juhá Ánne-Márjá, sámedikki ságadoalli Juvvá Lemet, prinsa Albert II, prinseassa Charlene, ICR:a stivrra lahttu Heaikka Josába Juhá ja Čiske Ánne Elná.

 

Sámedikki II várreságadoalli Hánno Heaikka mielde guossit ledje beroštuvvan Suoma sámiid ruovttuguovllu beađuid ja sápmelaš boazodoalu gaskavuođa dilis. Prinsa Albert II hálidii gullat maid Suoma boazodoallolágas ja das mot Suopma dorvvasta sámiid boazodoallorivttiid”, II várreságadoalli Hánno Heaika muitalii.

 

Prinsabárra jotkkii Heahtás mátkkis Norgga Guovdageidnui.

 

 

 

Sámedikki ságadoalli Juvvá Lemet, prinsa Albert II ja prinseassa Charlene. Govva: Hánno Heaikka Ásllat  

  

Ságadoalli Klemetti Näkkäläjärvi sáhka guossástallama olis (eŋgelasgillii).

 

Lassidieđuid addá ságadoalli Klemetti Näkkäläjärvi