Musihkkaprográmma rahpet Ánnámáret Ensemble, Annukka Hirvasvuopio-Laiti, Heli Aikio ja Ailu Valle dalán uvssaid rahpasettiin. Ánnámáret Ensembles loaiddastit Anna Näkkäläjärvi-Länsman (lávlun ja klarineahtta), Johanna Juhola (geasanas), Katri Kittilä (piáno), Janne Lappalainen (buzuki ja gitárra) ja Ilkka Heinonen (kontrabasso). Annukka Hirvasvuopio-Laiti loaiddasta davvisámegielat juigosiid ja Heli Aikio lávlu anárašgillii. Ailu Valle prográmma čohkiida davvisámegielat rap-musihkas.

Sajosa doaibmiid, dállofidnu muttuid ja arkitektuvrra ovdanbuktimat álget dmu 13 hálddahus-hoavda Juha Guttorm láidestemiin. Dutki Suvi Kivelä muitala Sámi arkiivva doaimmas, oahpaheaddji Anna Morottaja Sámi oahpahusguovddáža sámegiela oahpahusas, doaimmajođiheaddji Ristenrauna Magga Sámi Soster -searvvi doaimmas ja girjerádjohoavda Eija Leivo Anára sámegirjeráju doaimmas. Dálus doaibmabáikkit leat anárašgiela searvvis (Anarâškielâ servi), Sámi duodji r.y:s. ja Lappi guovlohálddahusvirgedoaimmahagas, ja sii maiddái muitalit iežaset doaimmain. Oahpásmuvvamiid gaskkas davvisámegillii juoigá Nils Heikki Paltto ja girjerájus sáhttá oahpásmuvvat girječálli-dáiddár Ima Aikio-Arianaick dáidagii.

Sámi mánáidkulturguovddáš Mánnu lágidit mánáide beaššášbuđaldemiid ja sámegielat prográmma, man jođiheaba Petra Magga-Vars ja Inka Nuorgam. Mánát besset johtit sámegiela bálgá mielde Sajos-dálus.

Ávvubeaivvi bajálaštet Irene Länsman teáhterčájáhus, Heli Aikio loaiddastan anárašgielat lávlagat ja Anna Näkkäläjärvi-Länsman soololoaiddasteapmi.

Sámediggi ja buot Sajosa doaibmit sávvet gussiid Anáris ja guhkkelebbos leat buresboahtin Sajosa Álbmotávvudeapmái! Káfestallan olles beaivvi.