Sámi giellalága 31 §:s dárkkuhuvvon doarjagat ohcanláhkai |
![]() |
![]() |
Vuoigatvuohtaministeriija almmuha ohcanláhkai sámi giellalága (1086/2003) 31 §:s dárkkuhuvvon doarjagiid, maid várás dán jagi lea ruhta oktiibuot 120.000 euro. Doarjaga sáhttá mieđihit sámiid ruovttuguovllu gielddaide, searvegottiide ja bálgosiidda ja maiddái lága 18 §:s dárkkuhuvvon priváhta oassebeliide máinnašuvvon lága heiveheamis boahtán sierra lassigoluid máksima várás.
Friijahápmásaš ohcamušaid galgá doaimmahit vuoigatvuohtaministeriijai maŋimustá 20.4.2012 dmu 16.15. Vuoigatvuohtaministeriija poastačujuhus lea PL 25, 00023 Valtioneuvosto, ja uksačujuhus Eteläesplanadi 10.
Ohcamušas galgá čilget daid sierra lassigoluid, maid máksima várás doarjja ohccojuvvo. Juos ohcamuš bargojuvvo sámi giellalága 18 §:a vuođul, ohcamušas galgá čilget maiddái, ahte ohcci lea máinnašuvvon láhkačuoggás dárkkuhuvvon priváhta oassebealli. Juos ohccin lea siviilavuoigatvuođalaš ovttastupmi dahje vuođđudus, ohcamuššii galgá laktit ovttastumi dahje vuođđudusa guoski registtarváldosa ja maiddái maŋimuš nannejuvvon ruhtadoalloloahpaheami, doaibmačilgehusa ja ruhtadoallodárkkistanmuitalusa.
Ohcanmeannudeamis čuvvojuvvo stáhtadoarjjaláhka (688/2001).
Lassidieđuid addá ráđđehusráđđi Mirja Kurkinen, tel 09 – 1606 7621 ( Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. ) |
|
Viimeksi päivitetty ( 27.03.2012 ) |