|
Hilbes-joavku Ohcejogas ja The Slap Anáris besset ovddastit sámenuoraid riikkaviidosaš Sounds–dáhpáhussii miessemánus. Sámenuoraid ovddasteaddjit válljejuvvojedje Sajosis duorastaga 29.3. dollojuvvon sámenuoraid dáiddadáhpáhusas. Sajosa badjel 400 olbmo auditoria lei bahkkadievva oppa duorastatbeaivvi ja dovddut dáhpáhusas badjánedje loahpa guvlui. Maiddái dáhpáhusa vuosttas beaivi imaštahtii ordnejeaddjiid bivnnutvuođain: njoarostan- ja njoarostansáttačuoigangilvvuide oassálaste sullii 100 máná ja nuora.
Hilbes–joavku (govas) loaiddastii dáhpáhusas bihtá, ”Bunceluohti” man nuohtas ja bagadallamis vástidii Niilo Rasmus ja sániin Niilo Rasmus, Nilla-Ánte Länsman ja Hansa Korpi.
The Slap- joavkku lahtut (govas) leat Avvila logahaga, Anára badjeskuvlla ja sámi oahpahusguovddáža oahppit. The Slap loaiddastii dáhpáhusas bihtás “Čuovo mu” ja “Njoara mirkkuid eatnamii!”, maid sániid ja nuohta lei dahkan Elle Kokkonen.
Sámenuoraid dáiddadáhpáhusat leat lágiduvvon 1970-logu rájes. Sajosis ordnejuvvon dáhpáhusas oaččuimet vuosttas geardde oaidnit, gullat ja vásihit loaiddastusaid teknihkalaččat alladását sáles, nu ahte dat besse albmaláhkai ja daid ánssášan vugiin ovdan. Loaiddastusat ja govat olbmuin projiserejuvvojedje stuorra šearpmaide máŋgga govvenapparáhta teknihkain ja dáhpáhusa lei vejolaš čuovvut njuolggosáttan maid interneahta bokte. Mánáid ja nuoraid illudahtte bottuid áigge maid dáiddadáhpáhusplakáhtas oahpes figuvrrat, mat dál ”rokkajedje” ja loaiddastedje animašuvdnan.
Duopmárin doaibman Inga-Máret Gaup-Juuso, Tiina Sanila-Aikio, Heikki Nikula ja Ailu Valle (govas) ledje váttis barggu ovddas go galge válljet sámenuoraid ovddasteaddjiid Turku dáhpáhussii. Duopmárat atne dáhpáhusa musihka dási buorrin ja giitaledje erenomážit árbevirolaš luođi ja leudd čehpiid ja nuoraid loaiddastusain ovdan boahtán ilu ja eakti musihkain buđaldeami. Duopmárat čájehedje dilálašvuođas maid iežaset čehppodaga čuojahemiin, lávlumiin, juoigamiin ja ”ráppámiin”.
 Musihkkagilvvu bohtosat
6-9-jahkásaččat:
1. Giehtaruohtasa nieiddat ( govas) Gárasavvonis eret, loaiddastusaidisguin ´Gea mu gávttis´ ja ´Ánddeluohti´, bagadallin Anna-Reetta Niemelä ja Taina Syväjärvi.
2. VJN, Vuohču juoigalas nieiddat Vuohčus eret, loaiddastusaidisguin ´Lásse-áddjá´ ja ´Inker-áhkku´, bagadallin Marja Magga ja Mathis Ole Vars.
3. Gaccepat Gáregasnjárggas eret, loaiddastusainis ´Guoktelogiovcci´, bagadallin Magnus Vuolab.
10-15-jahkásaččat:
1. Hilbes Ohcejogas eret, loaiddastusainis ´Buncceluohti´, bagadallin Niilo Rasmus.
2. Spildi Avvilis eret, loaiddastusainis ´Mu iežan´, bagadallin Katri Kittilä.
3. Ruodja Gáregasnjárggas eret, loaiddastusainis ´Facebook´, bagadallin Magnus Vuolab.
16-20-jahkásaččat:
1. The Slap Anáris eret, loaiddastusaidisguin ´Čuovo mu´ ja ´Njoara mirkkuid eatnamii´, joavku ieš bagadallin.
2. Áđat Avvila logahagas eret, loaiddastusainis ´Liekkas´, bagadallin Katri Kittilä.
Joavkkut main sierraahkásaččat:
1. Stárat Gáregasnjárggas eret, loaiddastusainis ´Galggašiigo dain ballat´, bagadallin Magnus Vuolab.
2. Bulljarággát Ohcejoga logahagas eret, loaiddastusainis ´Váimmu biegga´, bagadallin Niilo Rasmus.
Lassin Lilja Ljetoff Čeavetjávrris eret oaččui sierramáinnašumi nuortalaš leudd-čehppodagas ja anárlaš Slap-joavkku solista Elle Kokkonen sierramáinnašumi musihkkii guoski barggustis.
Gaskavahko gilvvuid bálkkašumit juhkkojuvvojedje dáiddadáhpáhusa rahpandilálašvuođas eahkedis. Bálkkašumiid ledje juohkimin (govas) dáhpáhusa jođiheaddji Heli Huovinen, valáštallanoasi hoavda Aslak Paltto ja Anára skuvlla 3-6 lk luohká vuoitijoavku.
Njoarostansáttačuoigangilvvu bohtosat
0-2 lk
Báikegoddi Joavku Áigi
1. Čeavetjávri: Henri Kekäle, Lilja Ljetoff ja Henry Haataja, 22.02
2. Roavvenjárga: Sarelle Porsanger, Fanny Seppänen ja Reija Tapiola, 22.19
3-6 lk
Báikegoddi Joavku Áigi
1. Anár: Ante-Johan Magga, Ole-Juhan Kemi ja Jon-Erik Näkkäläjärvi, 11.46
2. Soađegilli: Teemu Valle, Makreta Pyhäjärvi ja Aleksanteri Pulska, 12.14
3. Gárasavvon-Heahttá: Britt-Inger Ruotsala, Susan Löf ja Maren ElleMäkitalo, 16.22
7 lk – logahat
Báikegoddi Joavku Áigi
1. Heahttá: Heaika Näkkäläjärvi, Juhan-Tuomma Mäkitalo ja Jouna Näkkälä, 11.24
2. Heahttá: Ellen-Maarit Juuso, Iina-Maria Juuso ja Marielle Labba, 13.48
Njoarostangilvvu bohtosat
Luohkká 0-2 lk
Oassálasti Skuvla Áigi Deaivamat
1.Akseli Pulkkinen Soađegili skuvla 3.18 2
2. Maren Elle Mäkitalo Gárasavvona skuvla 2.37 1
3. Pauliina Kumpula Vuohču skuvla 3.01 1
Luohkká 3-6 lk
Oassálasti Skuvla Áigi Deaivamat
1. Anette Kosonen Vuohču skuvla 1.28 5
2. Makreta Pyhäjärvi Soađegili skuvla 1.31 5
3. Jon-Erik Näkkäläjärvi Anára skuvla 2.12 5
Luohkká 7 lk – logahat
Oassálasti Skuvla Áigi Deaivamat
1. Heaika Näkkäläjärvi 1.vsk. Heahtá skuvla 1.35 5
2. Iina-Marja Juuso 2. vsk. Heahtá skuvla 1.20 4
3. Marielle Labba 9lk. Heahtá skuvla 1.35 4
Muhtun govat dáhpáhusas
Govain 1) Ailu Valle ”ráppii” movttegis guldaleaddjiide dáhpáhusa loahpageahčen, go dovddut ledje alimus muttus, ovdalaš bohtosiid almmustahttima, 2) Hilbes-joavkku Erke-Ovllá Eriksen elii nannosit mielde go čuojahii gitárra, 
3) Eanodaga logahatoahppiid ja badjeskuvlalaččaid joavku Iđitroađđi gesii olbmuid fárrui vilda doaškumiidda bihtáinis ”Bisan”. Loaiddastusa lei bagadallan Berit-Ellen Juuso.
4) Dáhpáhusa jođiheaddjit musihkar-neavttár Niillas Holmberg ja Heli Huovinen, guhte stuđere lávdedáidaga, jođiheigga dáhpáhusa davvisámegillii ja anárašgillii.
5) Čeavetjávrri skuvlla joavku lávllui ja ”leuddii” nuortalašgillii. Loaiddastusa lei bagadallan Seija Sivertsen.
|
