| Presideanta Sauli Niinistö rahpá sámedikki válgabaji 2012-2015 |
|
|
|
Presideanta Sauli Niinistö rahpá sámedikki válgabaji 2012-2015 ja oassálastá maiddái Sámekulturguovddáš Sajosa vihahandoaluide disdaga 3.4. Anáris. Ávvudeamit álget sámedikki ekumenalaš rahpanipmilbálvalusain dmu 15 Anára sámekirkus, gos sárdnida bispa Samuel Salmi. Ávvudeamit joatkašuvvet dmu 17 Sajosis álgi dilálašvuođain, mii lea dárkkuhuvvon bovdejuvvon gussiide, ja dmu 20 álgi sámekultureahkediin.
Presideanta Niinistö doallá sámedikki válgabaji rahpansága dmu 17 álgi rahpan- ja vihahandilálašvuođas. Dilálašvuođas hállá maiddái sámedikki ságajođiheaddji Klemetti Näkkäläjärvi. Dearvvahusa ávvudeapmái buktet Norgga sámedikki ságajođiheaddji Egil Olli ja Ruoŧa sámedikki stivrra ságajođiheaddji Per Mikael Utsi.
Riikkaarkiivva váldohoavda, stáhtaaktiivadikšu Jussi Nuorteva luohpada dilálašvuođas Sajosis doaibmi sámearkiivai Suo´nn´jela nuortalaččaid dološ arkiivva.
Dearvvahusa ávvudeapmái buktet maiddái Eurohpá komissio hoavda Charlina Vitcheva, Svenska kulturfonden hoavda Leif Jakobsson, Guovdageainnu gielda, Senaatti-giddodagaid beaivválaš jođiheaddji Aulis Kohvakka ja maiddái Sajosa huksenfidnu jođiheaddjin doaibman hálddahushoavda Juha Guttorm.
Sámedikki ja Sajosa ávvudemiid lea vejolaš čuovvut interneahtas, gos njuolggo sáttá álgá dmu 16.45. Sámedikki ekumenalaš rahpanipmilbálvalus sáddejuvvo interneahtas maŋálgihtii dmu 18.30 rájes. Vuolggahus interneahtas joatkašuvvá njuolggosáddagin dmu 20, goas sámekultureahket álgá. Vuolggahusaid sáhttá čuovvut čujuhusas: http://yle.fi/livestream/saamevideo.asx
Dilálašvuođain dollon ságat leat oaumis dmu 18.30 maŋŋá sámedikki ruoktosiidduin čujuhusas www.samediggi.fi>dokumenttipankki > Avajaiset ja vihkiäiset. Njuolggo liŋka dás.
Dilálašvuođaid prográmmat leat oaumis: - Sámedikki ekumenalaš rahpanipmilbálvalus dás - Sámekultureahket dás Dásseválddi presideantta kansliija preassadieđáhus 30.03.2012 dás. |
|
| Viimeksi päivitetty ( 03.04.2012 ) |