Outi Pieski seaidnerelief lea ásahuvvon parlameantasále Soljui. Dát duodji sisttisdoallá máŋggaid gollejuvvon ja vilgesgollejuvvon stálletallearkkaid, mat ovttas hábmejit máŋggadását šealgu rávnnji sále seaidnái ja sárdnestullui. Oktan duoji visuálalaš vuođđun lea nissona sámegávttis geavahuvvon solju. Duoji oasit leat hámiset dáfus dego tallearkkat, goaikkanasat fas mat dain heaŋgájit leat dego basttet. Keramihkalaš basttiid hápmegiella boahtá árbevirolaš sámi čoarvebasttes. ”Duddjodettiinan dán lean guorahallan sohkabuolvvaid rávnnji áiggis sihke oktiigullevašvuođa, mas rávdnji biepmada juohkeovtta mis”, muitala duojár.

Marja Helandera guovtteoasat duodji lea ásahuvvon Sajosa sámegirjerádjui. Duoji vuosttas oassi čohkiida 30 čuovgagovas, mat govvidit otnábeaivvi sápmelaččaid ja mat leat váldon iešguđet guovlluin Suoma. Olbmot leat juogaduvvon duojis ássanbáikki, ahkejoavkku ja eatnigiela mielde.

Duoji nubbi oassi lea stuorra čuovgagovva, mas duottareatnamiid ala leat govviduvvon šaddočoakkáldaga šattut. ”Dat ráhkadit ornamentalaš olggoža dan láhkai ahte faŋuhit almmi guvlui, luomusmuvvamiin meroštallama ja luohkáide juohkima ráddjehusain”, nugo dáiddár ieš muitala duojis birra. Helandera goalmmát duodji ´Duoddaris´ lea ásahuvvon Sajosa váldouvssa bajábeallái lása ovdii ja dat govvida biekka spihččen ovttaskas lagežiid.

Dáiddár Marja Helandera dáiddabargguid gieđahalli preassadieđáhus dás.

Dáiddár Outi Pieski dáiddabargguid gieđahalli preassadieđáhus dás.