| Sofia Jannok ja Nanook Ijahis idjii Anárii |
|
|
|
Ijahis idja čájeha dán gease ain eanet riikkaidgaskasašvuođa. Festivála váldoloaiddasteaddjin leat ožžon sámi pop-musihka prinseassa Sofia Jannok Ruoŧas. Dán jagáš guossit, geat bohtet guhkkelepmosis, bohtet Ruonáeatnamis. Ijahis ijas loaiddasta rock-joavku Nanook mii lávlu Ruonáeatnama gielain.
– Duođaige fiinna ášši ahte leat ožžon dán jage loaiddasteaddjiidjovkui eamiálbmogiid musihka riikkaidgaskasaš girjáivuođa. Leat vuordán Sofia Jannok Anárii juo máŋga jage ja dál vuordin bálkkašuvvo. Erenomáš miellagiddevaš lea maiddái beassat gullat eamiálbmogiid olgoriikkalaš populáramusihka. Sámepop-musihka mis leamašan prográmmas álo, muhto eará eamiálbmogiid pop-musihka gullat dál vuosttas háve Ijahis ijas, Anna Näkkäläjärvi-Länsman Ijahis ijas muitala.
Dán jage Ijahis ijas čuodjá biegga
Ijahis idja -eamiálbmogiid musihkkadáhpáhus lágiduvvo Anára kirkosiiddas ovccát geardde 17.–19.8.2012. Festivála lea deháleamos sámemusihkkadáhpáhus Suomas. Ijahis ija temán dán jage lea Biegga čuodjá. Temáin háliidit buktit ovdan eamiálbmogiid musihka soddjilvuođa ja eallima áiggi mielde.
Ijahis ija olles prográmma gávdno čujuhusas www.ijahisidja.fi.
Lassidieđut festiválajođiheaddji Anna Näkkäläjärvi-Länsmanis, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. ja tel. +358 50 364 51 09. |
|
| Viimeksi päivitetty ( 14.06.2012 ) |
Ijahis ija váldodáhpáhus lea Ijahis idja! -konsearta lávvardaga 18.8., gos Sofia Jannok ja Nanook lassin gullat davviriikkaid oktasaš Sámi Jienat -goara prográmma, mii lea ráhkaduvvon Nils-Aslak Valkeapää musihka ja divttaid vuođul, ja maiddái eamiálbmotgussiid Komis, árbevirolaš juoigama, livđe ja leu’dd ja Ailu Valle debyhtaalbuma almmustuhttinkonseartta.