| Sara Wesslin |
|
|
Åå’lga Läärvam Sara
Mun lean 20-jahkásaš nuorra nieida Avvilis. Mus leat nana ruohttasat Avvilii ja Anára gildii, gos lean orron masá olles mánnávuođa, bajásšaddan ja vázzán skuvllaid logahaga rádjai. Duon áigge ii sápmelašvuohta goittotge sirdásan munnje mange láhkai. Lean álot diehtán ahte lean nuortalaš, muhto in dan mearkkašumi. Eatnigiellan hálan suomagiela ja nuortalašgiela gullen dušše beare ie˛an áhku njálmmis. 
Easkka dalle go fárrejin allaskuvlaoahpuid maŋis Tornioi, ohcagohten vejolašvuođaid oahppat nuortalašgiela ja oahpásmuvvat juo masá healbaduvvon kultuvrii. Álggahan čakčat 2013 goalmmát jagi Kemi-Tornio Ámmátallaskuvllas kommunikašuvnna suorggis ja sullii jagi geahčen gárvvásmuvan medianoman, doaimmaheaddjin. Mu niehkun lea boahttevuođas oahppat nuortalašgiela nu bures, ahte sáhtán ie˛an barggus geavahit beaivválaččat nuortalašgiela ja sirdit dan maiddái ie˛an mánáide.
Persovnnalaččat mus ádjánii 19 jagi ovdalgo áddejin ie˛an sámeruohttasiid. Daningo giella ja kultuvrra eai leat goassige sirdásan munnje lunddolaččat, lean vásihan ollu siskkáldas dáistaleami das, ahte sáhtángo oba gohčodit ie˛an nuortala˛˛an. Dása várra váikkuha dat, ahte sámevuohta ii oidno mus olggosguvlui easkkago dalle go cokkan ie˛an gávtti badjelii.
Sápmelašvuohta, ja earenoamá˛it nuortalašvuohta mearkkaša munnje dán áiggi vuostta˛ettiinge diđolašvuođa dan birra gii mun lean ja gos boađán. Mus gávdno jáhkku dasa, ahte boahttevaš jagiid áigge áššit bohtet buorránit sámeáššiid, eandaliige sámegielaid hárrái. Juohkehaččas galgá dušše gávdnot motivašuvdna ja stuorra beroštupmi persovnnalaš giellabarggu ovdii, danin go dál giela ealáskahttin lea gitta maiddái sis, geat hállet nuortalašgiela vieris giellan
|
|
| Viimeksi päivitetty ( 09.10.2012 ) |