Anáris váhkuloahpas lágiduvvon Ijahis idja – eamiálbmogiid musihkkadáhpáhusa galledeaddjimearri lassánii vuot.

Dáhpáhus lágiduvvui dál ovccát geardde ja festivála sierra dáhpáhusaide oassálastii oktiibuot sullii 2200 olbmo. Ijahis idja lágiduvvui vuosttas geardde sámekulturguovddáš Sajosis ja dan birrasii rahkaduvvon festiválaguovllus. Festiválaguovlu lei lihkostuvvan ja Sajos doaimmai festiválaguovlun erenoamážit.

Ijahis ija bivnnuheamos dáhpáhus lei Ijahis idja! –konsearta, man váldoloaiddasteaddjit Sofia Jannok ja Nanook leigga guldaleaddjiit miela mielde. Ijahis idja! –konseartta lei vejolaš čuovvut maiddái YLE Sápmin live stream sáddagin interneahttas. Sátta lei duođaid bivnnut ja olbmot birra máilmmi oassálaste Ijahis idjii sáddaga bokte.