Gos lea Sámeeana? – Seminára ja eahketkonsearta Sajosis 2.11.2012 |
![]() |
![]() |
Kalevalaseura ja Sámearkiiva lágidit Sámekulturguovddáš Sajosis buohkaide rabas seminára Gos lea Sámeeana? 2.11.2012 diibmu 12.00 rájes.
Kulturdutkamuša perspektiivvas Sámeeatnamis lea báikin máŋga mearkkašumi ja dat lea rievdilis doaba, man sáhttá geahčadit máŋgga perspektiivvas. Semináras sierra surggiid dutkit guorahallet báikki doahpaga, Sámeeana ovdamearkan. Sámeeana sáhttá leat gielas, luođis, duojis, muittuin, govahallamiin, dáiddabargguin dahje olbmuin guhkkin eatnandieđalaš Sámeeatnamis. Semináras almmustahtto Kalevalaseura 91. jahkegirji Saamenmaa - Kulttuuritieteellisiä näkökulmia (SKS). Girjjis kártejuvvo sámedutkamuša dáládilli áibba ođđa perspektiivvain, maid fállet lagamustá ođđa buolvva dutkit. Seminárai beassá nuvttá ja dat lea suomagielat.
Seminára temá joatkašuvvá Sajosis dmu 19.00 Sámemusihkkaguovddáža ja Kalevalaseura lágidan konsearttas. Konsearttas loaiddastit Ulla Pirttijärvi-Länsman Ulda-joavkkuinis sihke Tiina Aikio ja Annukka Hirvasvuopio-Laiti, geaid čuojaldahttá Heikki Nikula. Konsearttas gullat árbevirolaš ja ođđaáigásaš juoigama sihke eará sámemusihka. Dasa lassin girječálli, doaimmaheaddji ja filbmadahkki Ima-Aikio Arianaick lohká konseartta áigge divttaidis, maidda addá ivnni hearkkes čuovgagovvačájáhus. Konseartta sisabeassanbileahta haddi lea 5/8 euro. Bileahtaid vuovdin álgá Sajosa infos diibmu ovdal konseartta álggu. Konsearttas lea boddu, goas restoráŋŋa Galla bálvala konseartta guldaleaddjiid.
Lassediehtu seminára birra:
Ulla Piela
tel.
040 538 5144 Suvi Kivelä www.facebook.com/Saamelaisarkisto tel. 050 562 3676
Lassediehtu konseartta birra:
Anu Magga tel. 050 567 2204
|
|
Viimeksi päivitetty ( 10.10.2012 ) |