| Sįmenuorat čuvgejedje mearrideaddjiid |
|
|
|
Sámedikki nuoraidráđđi ja Suoma Sámi Nuorat ro lágidedje Helssegis seminára sámenuoraid dáládilis ja boahttevuođas Suomas. Semináras sámenuorat bukte ovdan sidjiide áigeguovdilis ja dehálaš áššiid. Árbevirolaš ealáhusaid dáládilli, eatnigiela mearkkašupmi, sámi oahppoplána dehálašvuohta ja olgosápmelašvuohta ledje guovddáš áššit, maid nuorat bukte ságaineaset ovdan. Sámenuoraid oainnuid lassin seminárai ledje bovdejuvvon buot riikkabeivviin čohkkájeaddji bellodagaid ovddasteaddjit panelaságastallamii, mas bellodagat o˛˛o vástidit guđege bellodaga linjá mielde sámiide ja eandalit sámenuoraide guoski ga˛aldagaide. Seminára rabai Suoma sámedikki ságadoalli Klemetti Näkkäläjärvi. Näkkäläjärvi loktii ie˛as sáhkavuorustis ovdan buorrin ovdamearkan váikkuhanvejolašvuođain nuoraid aktiivvalašvuođa sámepolitihkas.
Sámedikki nuoraidráđi ságajođiheaddji Laura-Maija Niittyvuopio muitalii sáhkavuorustis nuoraid vejolašvuođain ja hástalusain váikkuhit ie˛aset áššiide. ”Sámenuoraide lea bohciideamen vejolašvuohta váikkuhit sámenuoraid sajádahkii. Riikkaviidosaččat dán vejolašvuođa bohciideami galgá dorvvastit ekonomalaččat bissovaš čovdosiiguin ja resurssaiguin.”
Panelaságastallamis ledje báikki alde Suoma Guovddáš (Suomen Keskusta) -bellodaga Simo Rundgren, Suoma Sosiálademokráhtalaš Bellodaga Johanna Ojala-Niemelä, Suoma Ruoŧŧelaš álbmotbellodaga Astrid Thors, Kansallinen Kokoomus -bellodaga Heikki Autto ja Ruoná Lihtu Outi Alanko-Kahiluoto. Panelas erenomá˛it áigeguovdilis áššin badjánii ILO 169-soahpamuš, ja dasa ovdan boahtán guokte sierralágan oainnu sámenuoraid ie˛aset ga˛aldagaide. RKP ja Ruoná lihtu ovddasteaddjit dajaiga bellodagaid linnján doarjut nannosit ILO 169-soahpamuša ratifiserema. Suoma Guovddáš -bellodaga, Kansallinen Kokoomus bellodaga ja SDP ovddasteaddjit dadje bellodagaid oaidnun, ahte ILO-169-soahpamuša ii dál leat vejolaš ratifiseret, dasgo bellodagat gáibidit detáljaid dárkilut geahčadeami, ee. sápmelašmeroštallamis ja eanariektega˛aldagain. RKP ovddasteaddji Thors lei heahkastuvvan eará ráđđehusbellodagaid (Kok, SDP) negatiiva oainnus, dasgo dán ráđđehusbaji ráđđehusprográmmas lea oaivil ratifiseret ga˛aldatvuloš soahpamuša.
Semináras Suoma sámenuoraid ságajođiheaddji Tuomas Aslak Juuso deattuhii ON:a eamiálbmogiid vuoigatvuođaid julggaštusa mearkkašumi oppa sámekultuvrra ja –giela ovddideamis ja oktan guovddáš áššin ILO 169-soahpamuša ratifiserenproseassas. ”ON:a eamiálbmogiid vuoigatvuođaid julggaštus ja ILO 169-soahpamuš sulastahttet sisdoaluset dáfus sakka nuppiideaset. Suopma lea mu mielas nannosit čatnasan ON:a eamiálbmogiid vuoigatvuođaid julggaštussii sihke dan sierra artihkkaliidda ja dan galggašii váldit vuhtii ILO 169-soahpamuša ratifiserenproseassas.”
Semináras nuorra sápmelaččat bukte ovdan sámekultuvrii guoski hástalusaid, muhto goit guđege nuora ságas vuhttui luohttámuš boahttevuhtii! |
|
| Viimeksi päivitetty ( 31.10.2012 ) |