Beaivváš ja "Silbajávri" Sajosis |
Beaivváš čájeha issorasa - SILBAJÁVRI, bea 30.11.2012 dmu 19 Sajosis. Bileahtat uvssa bokte: 20 euro/ráves olbmot ja 10 euro/ealáhatolbmot ja stuđeanttat. Bista sulli 70 min, ii heive sidjiide geat leat vuollel 15 jagi.
"Silbajávri lea muhtin sajes guhkkin davvin. Olbmot ja eallit leat leamaš doppe čuđiid jagiid, earránaddan ja fas gávnnadan, eaige vuohttán maidege ipmašiid. Lea dáhpáhuvvon ahte olmmoš vázzá meaddel, ja dovdá gamus ipmašiid, áicá dološáiggi báktegájanassan ja šaddá bákkus oaidnit juoidá mii livččii bisson oaidnemeahttumin. Duvle muhtin čakčabeaivvi vulge 4 nuora – Katja, Mihkkal, Mia ja Jovsset lávostallat Silbajávrái. Sii áigo gávdnat máinnastuvvon čiehkabáikki “čiehka” - gos lea árdnahávdi. Muhto dan maid doivo šaddat somás ja gelddolaš vahkkoloahppan, šaddá áibbas nuppe ládje; Silbajávrris lea čiegusvuohta maid ii galggaše roggat bajás. Nuorat leat fáhkkestaga sorron bárttiid sisa ja geahččalit gáhttet iežaset heakka ja doalahit iežas olmmožin - ártegis mierkká siste. Silbajávrri balddonasat, eahpáraš ja láhppon šiella mii skájaida."
Čálli: Rawdna Carita Eira Bagadalli: Haukur J. Gunnarsson Lávdehábmen: Jon Kristian Alsaker Bivttáshábmen: Berit Marit Hætta Šuokŋadahkki: Håvard Lund Čuovgahábmen: Øystein Heitmann Neavttárat: Elle-Máijá Tailfeathers, Nils Rune Utsi, Ingá Márjá Sarre, Ánte Siri. Egil Keskitalo, Anitta Suikkari, Mary Sarre
Bista: Sulli 70 min, Ii heive sidjiide geat leat vuollel 15 jagi.
Loga lasi: www.beaivvas.no
|
|
Viimeksi päivitetty ( 19.10.2012 ) |