Sámi parlamentarálaš ráđđi (Suoma, Norgga ja Ruoŧa sámedikkiid oktasašbargoorgána) álggaha ođđajagimánu 1. beaivve 2013 Davviriikkalaš sámegiela fága- ja resursaguovddáža vuođđudanprošeavtta, mii bistá geassemánu 30. beaivái 2012. Prošeavtta ruhtada EU Interreg IV A Nord Sápmi.

Dán oktavuođas Sámediggi ohcá áigodahkii 1.1.2013 – 31.5.2014:

1 mearreáigásaš nuortalašgiela giellabargi

1 mearreáigásaš anárašgiela giellabargi ja

1 mearreáigásaš davvisámegiela giellabargi.

Giellabargi bargguide gullet giellagáhtten, giela ovddideapmi, terminologiijabargu, giela normeren ja diehtojuohkin. Giellabargái sáhttet maiddái biddjot eará barggut, mat gullet davviriikkalaš sámegiela fága- ja resursaguovddáža doibmii.

Seađáhusvuđđosaš gelbbolašvuohtagáibádussan lea barggu eaktudan skuvlejupmi ja dan lassin gáibiduvvo sámegiela dáidu. Fidnui ohcat vuosttažettiin olbmo, geas lea sámegiella eatnigiellan dahje vástideaddji giellagelbbolašvuohta. Mii deattuhat alit oahpu (allaskuvllas/universitehtas) sámegielas, vásáhusaid sullasaš bargguin ja gelbbolašvuođa sámi servodat- ja gielladilis. Dasa lassin deattuhat ámmátlaš čehppodaga, ovttasbargo- ja gulahallannávccaid, sámegiela čálálaš dáiddu sihke návccaid bargat iešheanalaččat ja ulbmillaččat.

Davviriikkalaš sámegiela fága- ja resursaguovddáža bargogiellan leat sámegiella sihke suomagiella ja ruoŧa-/dárogiella. Guovddáža ovddasvástádussan lea ovttas sámedikkiiguin davviriikkalaš giellaovttasbarggu nannen ja ovddideapmi nu, ahte guđege giellajoavkku sierranas dárbbut, hástalusat ja resurssat váldojit vuhtii, ja sámegiela riggudahttin ja dorvvasteapmi boahtte áiggis.

Giellabargi lea bargogaskavuođas Suoma sámediggái ja bálká mearrašuvvá sámedikki bálkávuogádaga gáibádusdásiid V/II - IV/IV mielde (vuođđobálká 2 051,23 - 2 391,60 euro/mb). Vuođđobálkká lassin máksojuvvo 24 % sámeguovllu lassi ja bargohárjánumi vuođul boahtti bargovásáhuslasit. Bargobáiki lea sámedikki doaibmabáikkiin dahje eará sajis soahpamuša mielde.

Ohcamušaid čuvvosiiguin galgá doaimmahit Suoma sámedikki čállingoddái 10.12.2012 dmu 16.00 rádjai čujuhusain: Sajos, 99870 Anár. Lassidieđuid barggus addá vs. gielladorvočálli Tarja Porsanger tel. 050 343 1299.