Vuostta anáragiela álgooahppogirji vuolleskuvlla ohppiide almmustuvai |
![]() |
![]() |
"Tiervâ! Muu nommâ lii Ánná. Mii tuu nommâ lii?" Ná álgá vuolleskuvlla ohppiide oaivvilduvvon vuosttaš anárašgiela oahppogirji Hitruu! Áahu kuuvl, mii almmustuvai aiddo skuvllaid giđđalohkanbaji álgui. Oahppogirji lea oaivvilduvvon vuođđooahpahusa vuolit luohkáide ja dat jođiha Ánná ja Saammâla fárus mátkái anárašgillii ja kultuvrii.
Áhkku, anárašgillii ákku, orru Pakšvuona gáttis, gos Ánná fitná dávjá. Anárašgiela lea dál vejolaš oahppat miellagiddevaš vugiin áhku máidnasiid ja Ánná ja Saammâla ságastallamiid bokte. Girjji máidnasiid báldii seammá siidduide leat čohkkejuvvon iešguđet teavstta ođđa sánit. Girjji ii nappo leat dárbu bláđestit ovddos maŋos logadettiin. Oahppogirjái lea boahtimen maiddái hárjehusgirji, man vehkiin lea álki geardduhit ohppojuvvon áššiid. Lohkanbihtáid loahpas leat máidnasiidda laktáseaddji lávlagat, mat buktet suohttasa oahppodiimmuide.
Girjji lea dahkan Teija Linnanmäki ovttasbarggus govaid dahkki Riitta Ahoneniin. Girjji lea goasttidan sámediggi ja dat lea fidnemis Duodjegávppis Sajosis, Sámi duoji fierbmegávppis ja sámedikki skuvlen- ja oahppamateriáladoaimmahagas info(at)samediggi.fi. Lassedieđut dás. |
|
Viimeksi päivitetty ( 09.01.2013 ) |