Englándalaš koarra InChoir boahtá ovttastahtton lávlun- ja guovssahasmátkái Suoma Sápmái, Anárii guovvamánus 2013. Sámi vásáhusaid lassin koarra hárjehallá Sajosis ja doallá loahpas koarrakonseartta ovttas báikkálaš Sámikoarain ja Anára seahkalas koarain vuossárgga 4.2.2013 dmu 19.30. Dál lea áidnalunddot vejolašvuohta beassat gullat fiinna koarrakonseartta, mas lea sihke eangalasgielat ja sámegielat koarramusihkka.

Sámikoara jođiheaddji, leanadáiddár Anna Näkkäläjärvi-Länsman geažidii, ahte InChoir-koarra lávlu singuin sámegielat lávlagiid ja sii lávlot englándalaš lávlagiid. Oktasaš lávlumiid áigge lávddi alde leat oktanaga 70 olbmo lávlumin.

InChoir lávlu beakkán loaiddasteaddjiid nugo Adele, Tina Turnera, The Mamas and the Papas –joavkku ja máŋgga eará lávlagiid. Koara jođiheaddji váruhage, ahte sin movttiidahtti loaiddasteapmi oažžu earáidge movttáskit. Sii maiddái illudit, ahte sii besset lávlut ovttas guvttiin báikkálaš koarain.

Bileahtaid hattit: 10 euro/rávesolmmoš ja 5 euro/mánná. Bileahttavuovdin álgá dmu 18. Lassediehtu InChoir-koara birra www.inchoir.co.uk