Bargui gullá plánet giellaguovddáža strategiijaid ja organisášuvnna ja maiddái oažžut guovddáža doaimma fástan. Prošeaktahovdii sáhttá mearridit eará doaimmaid, mat gullet davviriikkaid oktasaš sámegiela ámmát- ja resursaguovddáža ásahanprošektii. Seađáhusvuđđosaš gelbbolašvuohtagáibádussan lea barggu eaktudan skuvlejupmi (sámedikkis addojuvvon ásahus 1727/1995) ja lassin eaktuduvvo sámegiela dáidu. Barggu ceavzilis dikšuma ovddidit heivvolaš allaskuvladutkkus, hárjánupmi gáibideaddji hálddahusbargguin, hovdemis ja davviriikkalaš oktasašbarggus, buorit gulahallandáiddut ja maiddái doarvái buorre dáro-/ruoŧagiela ja buorre suomagiela dáidu.

Prošeaktahoavdda doaibmanbáiki lea sámekulturguovddáš Sajosis Anára kirkosiiddas ja son lea bálvalangaskavuođas Suoma sámediggái. Bálká mearrašuvvá Suoma sámedikki bálkávuogádaga gáibádusdási IV ja das III-II luohká mielde (vuođđobálká 2448,54 – 2505,49 euro/mb). Vuođđobálkká lassin máksojuvvojit 24 % sámeguovllu lassi ja vásáhuslasit, mat mearrašuvvet bargohárjánumi mielde.

Ohcamušaid mildosiiguin galgá doaimmahit Suoma sámedikki čállingoddái 12.3.2013 dmu 16.00 rádjai čujuhusain: Sajos, 99870 Anár.

Lassidieđuid barggus addá giellaáššiidčálli Anne-Maria Magga tel. 010 839 3119 ja gielladorvočálli Siiri Jomppanen tel. 050 493 9018.