| Sámenuoraid dáiddadáhpáhus lahkona |
|
|
|
Dán jagáš Sámenuoraid dáiddadáhpáhus ordnejuvvo Heahtá skuvlaguovddážis 13.-14.3.2013. Dáiddadáhpáhus bistá dán jagi guokte beaivvi, ja dat álggahuvvo gaskavahko eahkeda konsearttain, man váldonásti lea rapmusihkkár Ailu Valle. Su lassin konsearttas leat maiddái máŋggat earát lávdde nalde, nugo Ibbá Lauhamaa, Powerdancers, Mikkel Rasmus Logje, Anna-Reetta Niemelä, Ingá-Máret Gaup-Juuso ja Issát Sámmol Hætta. Dát konsearta lea buohkaide rabas ja nuvttá.
Sámenuoraid dáiddadáhpáhus lea oassi Nuori Kulttuuri-dáhpáhusa. Dáiddadáhpáhusa eará lágideaddjit leat Johtti Sápmelaččat ry, Eanodaga gielda, Sámediggi nuoraidráđđi, Sámi mánáidkulturguovddáš, Sámemusihkkaguovddáš ja Skábma filbmaguovddáš.
Lassedieđuid sámenuoraid dáiddadáhpáhusa birra gávnnat dákko.
Dán jage gávdno sámenuoraid dáiddadáhpáhus maiddái facebookkas: https://www.facebook.com/#!/events/346338025481564/
Oaidnalit Heahtás! |
|
| Viimeksi päivitetty ( 01.03.2013 ) |
Sámenuoraid dáiddadáhpáhussii leat boahtán bures dieđiheamit. Dán rádjai leat dieđiheamit boahtán juo 280, muhto go maŋemus dieđiheamit ollejit lea lohku sihkkarit badjel 300. Dán jage oassálastet mánát ja nuorat birra sámi guovllu, oktiibuot 11 eará skuvllas. Maiddái Roavvenjárggas ja Oulus oassálastet sámegieloahppit. Teáhtergilvui leat dieđihan guhtta joavkku. Govva ja diktagilvui, mas fáddan lea “Áillohačča riegádeamis 70 jagi”, leat oassálastit buot dáin ovttanuppelot skuvllas.