Davvisámegiela giellabargi |
![]() |
![]() |
Sámediggi almmuha ohcanláhkai davviriikkalaš sámegiela fága- ja resursaguovddáža, Sámi Giellagáldu mearreáigásaš davvisámegiela giellabargi barggu áigodahkii 8.4.2013 - 31.5.2014.
Giellabargi bargguide gullet giellagáhtten, giela ovddideapmi, terminologiijabargu, giela normeren ja diehtojuohkin. Giellabargái sáhttet maiddái biddjot eará barggut, mat gullet davviriikkalaš sámegiela fága- ja resursaguovddáža doibmii. Seađáhusvuđđosaš gelbbolašvuohtagáibádussan lea barggu eaktudan skuvlejupmi ja dan lassin gáibiduvvo sámegiela dáidu. Giellabargi lea bargogaskavuođas Suoma sámediggái ja bálká mearrašuvvá sámedikki bálkávuogádaga gáibádusdásiid V/II - IV/IV mielde (vuođđobálká 2 051,23 - 2 391,60 euro/mb). Vuođđobálkká lassin máksojuvvo 24 % sámeguovllu lassi ja bargohárjánumi vuođul boahtti bargovásáhuslasit. Bargobáiki lea sámedikki doaibmabáikkiin dahje eará sajis soahpamuša mielde. Ohcamušaid čuvvosiiguin galgá doaimmahit Suoma sámedikki čállingoddái 2.4.2012 dmu 16.00 rádjai čujuhusain: Sajos, 99870 Anár. Lassidieđuid barggus addá gielladorvočálli Siiri Jomppanen tel. 050 493 90 18 ja giellaáššiidčálli Anne-Maria Magga 050 364 1387.
Olles ohcanalmmuhus oaidninláhkai dáppe . |