Lappi guovlohálddašandoaimmahat lea nannen 8.3.2013 Sámediggi ja sámeguovllu gielddaid dahkan soahpamušaid sámegielat sosiála- ja dearvvašvuođabálvalusaid ja beaivedivššu dorvvasteapmái čujuhuvvon mearreruđaid geavaheamis jagi 2013.

Stáhta bušeahtas lea leamaš jagis 2002 rájes sierra mearreruhta sámegielat sosiála- ja dearvvašvuođabálvalusaid ordnema várás sámiid ruovttuguovllus. Stáhtadoarjja máksojuvvo Sámedikki bakte sámeguovllu gielddaide. Mearreruđa dásis lea jagi 2013 vuhtii váldon beaivedivššu hálddahuslaš sirdin sosiála- ja dearvvašvuohtaministeriijas oahpahus- ja kulturministeriija váldoluohkkái. Sámedikki evttohan mearreruhtadárbu sámegielat sosiála- ja dearvvašvuođabálvalusaid várás lei jahkái 2013 oktiibuot 1,8 miljon euro.  

Mearreruđát juohkašuvve sámeguovllu gielddaid gaskkas čuovvovaččat:

Eanodaga gieldda sámegielat sosiála- ja dearvvašvuođabálvalusaid ja beaivedivššu dorvvasteapmái oktiibuot 87 921,86 euro:

- Sámegielat beaivedivššu dorvvasteapmi Heahtás 18 750 €

- Sámegielat beaivedivššu dorvvasteapmi Gárasavvonis oastinbálvalussan Ruoŧabeale Gárasavvonis 9 375 €

- Sámegielat ruoktoveahkki, Veahkki oastinbálvalussan Sámisoster rs 21 471,86 €

- Sámegielat dearvvašvuođadivššár 9 600 €

- Sámegielat lagašdivššár 28 725 €

Anára gieldda sámegielat sosiála- ja dearvvašvuođabálvalusaid ja beaivedivššu dorvvasteapmái oktiibuot 256 314,75 euro:

- Anára girkosiidda davvisámegielat beaiveruovttujoavkku doaimma dorvvasteapmi 28 125 €

- Avvila davvisámegielat joavkobearašbeaiveruovttu doaimma dorvvasteapmi 16 875 €

- Nuortalašgielat ruovttubálvalusbargi Čeavetjávrri guovllus 29 100 €

- Davvisámegielat ruovttubálvalusbargi Davvi-Anára guovllus 29 625 €

- Sámegielat lagašdivššár, Männikkö bálvalanruoktu, ossodat Sárrit 30 600 €

- Sámegielat lagašdivššár, Männikkö bálvalanruoktu, ossodat Luomi-Jokŋa 30 600 €

- Sámegielat lagašdivššár, dearvvašvuođaguovddáš 20 400 €

- Nuortalašgielat gilibargi Čeavetjávrri guovllus 23 663,25 €

- Sámegielat gilibargi Davvi-Anára guovllus 23 663,25 €

- Sámegielat gilibargi Njellim-Gevajávri guovllus 23 663,25 €

Soađegili gieldda sámegielat sosiála- ja dearvvašvuođabálvalusaid dorvvasteapmái oktiibuot 45 092,89 euro:

- Sámegielat lagašdivššár boarrásiidfuolahussii 33 547,50 €

- Sámegielat gilibargi, Vuohčču 11 545,39 €

Ohcejoga gieldda sámegielat sosiála- ja dearvvašvuođabálvalusaid ja beaivedivššu dorvvasteapmái oktiibuot 210 670,50 euro:

- Sámegielat beaivedivššu doarvvasteapmi Ohcejoga girkosiiddas 46 875 €

- Sámegielat bearašbargi 33 675 €

- Veahkke-Ásllat –doaibma, Ohcejoga girkosiida 28 180,50 €

- Veahkke-Ásllat –doaibma, Gáregasnjárga 26 625 €

- Sámegielat divššodanbargi 31 650 €

- Sámegielat doaibmajođiheaddji 19 307,50 €

- Sámegielat dearvvašvuohtadivššár 24 357,50 €

Lassidieđut: Pia Ruotsala, sosiála- ja dearvvašvuođačálli, Sámediggi, 040-7262688, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.