| Ima Aikio- Arianaick ja Miro Mantere johtiba diktakonseartamįtkkis Sajosis 21.5.2013 |
|
|
|
Ima Aikio- Arianaick ja Miro Mantere johtiba miessemánus diktakonseartamátkkis Roavvenjárggas Ohcejohkii. Ima lohká ođđa ja boares divttaidis sámegillii ja Miro lávlu oasi teavsttain suomagillii. Son čuojaha ja duddjo divttaide jietnamáilmmi, mii doalvu geasis giđđii. Diktakonsearta Anára Sajosis 21.5. dmu 18.
Ima Aikio-Arianaick ja Miro Mantere ovttasbargu álggii golmma jagi áigi, go Ima ozai heiveheaddji Ima hutkosat-mánáidskearrui. Son háliidii veahá ođđalágan šuoŋaid ja jearai jietnadáiddár ja musihkkár Mantere álgit bargui. Ovttasbargu lea joatkašuvvan dan maŋŋáge. Miro dagai musihka Ima dokumeantafilbmii “Suoma-sáme-suoma”, mii čájehuvvui vuosttas geardde guovvamánus Skábmagovat-filbmafestiválas Anáris. YLE čájeha filmma maŋŋá tv:s. Ima ja Miro goalmmát oktasaš prošeakta lea “Beaivváš čuohká gaba”-diktamusihkkaduodji, mas oasi beassá gullat sudno diktamusihkkaturneas.
Dikta lea musihkka
”Beaivváš čuohká gaba” riegádišgođii guovtte jagi áigi, go Miro dáhtui Ima čállit oanehis divttaid musihkkaduojis vuođđun. Jagis ihte masá 200 divtta, main oasá˛a Ima čohkkii “Beaivváš čuohká gaba” várás. Divttat dolvot geasis giđđii. Jagiáiggiid molsašuvvan gullo sániin ja musihkas. Miro diktá Ima divttaid dolvvodit ie˛as ja dasto son hukse jietnamáilmmi, mas luondu, musihkka ja divttat šaddet oktan ollisvuohtan. Dábálaš čuojanasaid ja Miro bádden luonddujienaid lassin fárus leat maid su ie˛as dahkan ite-čuojanasat, foundsound ja analogalaš jietnateknologiija.
ájagáttis de johkaskál˛u čuojaha bulljarasat golggiidit
Diktačálli ja jietnadáiddár
Diktačálli Ima Aikio-Arianaick lea almmustuhttán vihtta diktagirjji, main Suonat-girji ilbmá dán giđa dárogillii. Jo ovdal dat lea jorgaluvvon suoma-, eaŋgalas-, duiskka- ja ungáragillii. Son lea čállán maid guokte mánáidgirjji ja sániid Ima ipmašat ja Ima hutkosat -mánáidskearruid lávlagiidda. Dasa lassin buolbmatjávrelaš Ima dahká filmmaid ja musihkkavideoid. Jietnadáiddár ja musihkkár Miro Mantere musihka lea váttis heivehit mange kategorijai. Dábálaš čuojanasaid lassin son čuojaha vaikko gáhkkolihtiin dahje hivssetgusttain. Son dahká live-jienaid, bádde daid dađistaga ja bidjá gullot daid badjebadjálaid, mas dasto šaddá musihkka. Aiddo son lea buktán diekkár live-looping vuogi Supmii. Dáiddalaš doaimmaidasas vuođđuduvvi musihkkabargobájiid son lea doallan ee. fáŋggaide ja gárrenávdnasiin beasadeaddji olbmuide. Su bargobájiid vuođđojurddan lea, ahte buohkat máhttet čuojahit ja dahkat musihka.
Lágideaddjit ja oktavuođadieđut: Johtti girjerádju-Jutaava kirjasto/ Anneli Aikio +358 40 6727 749, Ima Aikio-Arianaick +358 40 596 1109, Miro Mantere +358 40 523 5487. |
|
| Viimeksi päivitetty ( 16.04.2013 ) |