Vihkkehallanvuloš stáhtadoarjaga dehalaš kriteara lea ovddidit ja bajásdoallat máŋggabealat dáidda- ja kulturfálaldaga, nannet váldegottálaččat iešguđetlágan dáiddasurggiid, ovddidit rikkavuložiid dásseárvosaš ja ovttaveardásaš oasálašvuođa ja oassálastima kultuvrii. 

Ijahis idja lágiduvvo Anáris sámekulturguovddáš Sajosis 16 -18.8.2013 ja dat lea eamiálbmogiid musihkkafestivála, mii ovdanbuktá sámelmusihka lassin maiddái eará eamiálbmogiid musihka ja kultuvrra. Guovttebeaivvat dáhpahus šaddá mánáid- ja nuoraidbeaivvis oktan bargobajiiguin ja mánáidkonsearttaiguin, musihkkasemináras, iešguđetlágan konsearttain sihke sámemusihkii vuodju klubba-eahkeđiin. Jagi 2013 Ijahis idja temá lea ”Buolvvat”, man vuođđojurddan lea buktit iešguđege buolvvaid ovddasteaddji sámemusihka čehpiid oktii sihke doibmet iešguđet ahkásaš sápmelaččaid kulttuvrralaš deaivvadanbáikin. Dáhpáhus lea áidna sámemusihkkafestivála oba Suomas ja okta mearkkašahtti Davvi-Lappi geassedáhpáhusain.

Sámedikki lassin dáhpáhusa ordnedemiidda oassálastet ee. Anára Sámisearvi ro, Sámemusea Siida, Sámi oahpahusguovddáš , Anára gielda, YLE Sápmi ja Giellagas-instituhtta.

Lassidieđuid Ijahis idja-dáhpahusas:

Anu Magga anu.magga(at)samediggi.fi t. 050 567 2204

Anna Näkkäläjärvi-Länsman anna.nakkalajarvi-lansman(at)minedu.fi t. 0295 330 856

www.ijahisidja.fi