| Davvisámegiela giellabargi |
|
|
|
Sámediggi almmuha ohcan láhkái davviriikkalaš sámegiela fága- ja resursaguovddáža vuođđudanprošeavtta, Sámi Giellagáldu mearreáigásaš davvisámegiela giellabargi barggu. Bargu álgá dakkaviđe ja bistá 31.5.2014 rádjai. Giellabargi bargguide gullet giellagáhtten, giela ovddideapmi, terminologiijabargu, giela normeren, diehtojuohkin ja rávvenbargu. Giellabargái sáhttet maiddái biddjot eará barggut, mat gullet davviriikkalaš sámegiela fága- ja resursaguovddáža doibmii.
Seađáhusvuđđosaš gelbbolašvuođagáibádussan lea barggu eaktudan skuvlejupmi ja dan lassin gáibiduvvo sámegiela dáidu. Giellabargi lea bargogaskavuođas Suoma sámediggái ja bálká mearrašuvvá sámedikki bálkávuogádaga gáibádusdásiid V/II - IV/IV mielde (vuođđobálká 2079,95-2425,08 euro/mb). Vuođđobálkká lassin máksojuvvo 24 % sámeguovllu lassi ja bargohárjánumi vuođul boahtti bargovásáhuslasit.
Bargobáiki lea sámedikki doaibmabáikkiin dahje eará sajis soahpamuša mielde. Ohcamušaid čuvvosiiguin galgá doaimmahit Suoma sámedikki čállingoddái 17.5.2013 dmu 16.00 rádjai čujuhusain: Sajos, 99870 Anár.
Lassidieđuid barggus addiba prošeaktahoavda Marko Marjomaa 050 438 2484 ja gielladorvočálli Siiri Jomppanen tel. 050 493 9018. |
|
| Viimeksi päivitetty ( 02.05.2013 ) |