Duodjebájit láidestit mátkkálačča sámekultuvrra váibmosii |
![]() |
![]() |
Anára gilis sámekulturguovddáš Sajos vástida ođđaáigge kulturmátkkálačča, ng. modearna humanistta hástalussii beassat ieš oassálastit eallámuša buvttadeapmái, leat dan guovddážis. Su dárbbuid jurddašemiin lea huksejuvvon Sajosa bargobádjekonseapta. Boahttevaš gease Sajosis ollašuhttojit árbevirolaš ja vehá modearnage sámeduoji bargobájit, gos árbevieruin beroštuvvan mátkkálaččat besset ieža duddjot sámedujiid mátkemuitun.
Nuorra duojáriidda dahjege sámeduojáriidda loaiddastanbáiki
Sajos bálkáha nuorra, easkka gárvánan sámeduoji ámmátlaččaid, duojáriid, fállat lagamustá mátkkálaččaide eallámušaid sámeduoji duddjomis. Áššehasat ožžot válljet sierra duodjemolssaeavttuin mielamiela duoji ja duddjot alcceseaset mátkemuitun. Duddjoma olis duojárat muitalit maiddái sámeduoji historjjás ja árbevieruin sihke iežaset duddjonvugiin. – Jurdda bargobájiide lea bohciidan áššehasaid lassánan berošteamis sámekultuvrra ja árbevieruid ektui. Ášši jođálmahtii Sajosis doaibmi eakti sámedujiid gávppi Duodji Shop beaivválaš jođiheaddji Aune Musta doarjja ovddidit nuppelágan buvttakonseptta dujiid oktavuhtii, muitala Sajosa márkanastinhoavda Marja Männistö.
Sámedikki hálddahushoavda Juha Guttorm gávnnaha, ahte idea duogážin lea maiddái figgamuš ovddidit Sajosa kultuvrralaš sisdoallobuvttadeami ođđa doaibmanvugiiguin, lasihit sámeduoji dovdama ja dan bokte lávdadit viidásabbotge dieđuid sámiin eamiálbmogin sihke lasihit sámedujiid vuovdima ja buoridit sámeduojáriid áigáiboahtoeavttuid. – Lassin háliidit ovddidit ja ealáskahttit Sajosa deaivvadan- ja gávnnadanbáikin sihke fállat nuorra sámeduojáriidda barggu iežaset ruovttuguovllus.
Anáris lea álot duddjojuvvon ja geavahuvvon dat ávkin turisma dáfus, mas ovdamearkan leat máŋggat duodjegalleriijat ja –buvddat sihke bargobájit. Erohussan duodjegávppiid ja Sajosa bargobájiid gaskkas lea dat, ahte Sajosis mátkkálaš beassá ieš oassálastit duddjomii ja oahppá áddet dan árvvu.
Iešguđetlágan duojit earálágan dárbui
Mátkkálaš sáhttá duddjot iežas áigetávvala siste dadne- dahje bearalgiehtarieggá, čoarvečeavebátti, čuldon bátti, gákkesmuoraiguin gođđon čeaveliinni ja sisteseahka ja iešguđetlágan dákte- ja -čoarvedujiid. Duodjebájit ollašuhttojit Sajosa čuvges váldoboahtagis mávssu vuostá. Joavkkut galget várret iežaset bargobádjeáiggi, vuoi sidjiide sáhttá lágidit dárbbu mielde lassioahpaheaddjiid. Sajosa duodjebájit ollašuhttojit áiggis 17.6. - 12.8.2013 árgan dmu 11-17.
Lassidieđut: Juha Guttorm, hálddahushoavda, Sámediggi, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 010 830 3102, www.samediggi.fi, Aune Musta, beaivválaš jođiheaddji, Duodji Shop, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 0400-637178, www.samiduodji.com |
|
Viimeksi päivitetty ( 19.07.2013 ) |