Valkeapää lea okta riikkaidgaskasaččat buoremusat menestuvvan sámeartistain ja lea gieskat (2012) almmustahttán guokte ođđa albuma, Gusto ja ÄÄ. Valkeapää musihkka fáŋge guldaleaddjis vuojulduvvat čáppa melodiijaide, dohppejeaddji gitárrariffaide ja guldalit sániid, mat gieđahallet otnáža albmonemiid. Niko Valkeapää musihkkajoavkkuinnis loaiddasta Ijahis ijas iežas konsearttas, mii lágiduvvo Sámekulturguovddáš Sajosa auditorias bearjadaga 16.8. dmu 20.

10-jagášávvudanjagi Ijahis idja ávvuda ain viidásut prográmmafáluin. Buolvvat-temái vuodjut Ijahis ija 10-jagašávvudankonsearttas ja eará sámeartistaid konsearttat prográmmas leat máŋggat. Dáhpáhusa eamiálbmotguossit bohtet dán jagi Chukotkas, Siperias. Festiválas gullat maiddái árbevirolaš juigosa, livđe sihke leudda. Mánáide ja nuoraide lea ordnejuvvon dáhpáhusbeivviid áigge iežas prográmma, dego musihkkabargobájit ja eará jođihuvvon doaibma. Ijahis ija árbevirolaš, buohkaide rabas musihkkaseminára ordnejuvvo Sámemusea Siiddas. Maiddái festiválaklubbat ivdnejit dáhpáhusa sáme nuoraidkultuvrii deattuheaddji sisdoaluinneaset. Ijahis ija dárkilis prográmma almmustahtto geassemánus.

Ijahis ija ordnejit oktasašbarggus Anára Sámisearvi rs, Sámediggi, Sámi oahpahusguovddáš, Sámemusea Siida, Giellagas-instituhtta, Anára gielda, Dáidaga ovddidanguovddáža Lappi doaibmabáiki, Yle Sápmi, Hotealla Kultahovi ja Restauraŋŋa Galla.

Lassidieđut:

www.ijahisidja.fi

Anna Näkkäläjärvi-Länsman

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

+358 295 330 856

Anu Magga

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

+358 50 567 22 04