Spektrolihtat –joavku lei ieš plánen ja ovttas Merja Pieskiin bagadallan Váimmustan lea dánsun –nammasaš prográmmas. Joavkkus dánsot Alisa Pieski, Mira Pohjanrinne, Katja Haarla, Birit Haarla, Pinja Pieski ja Biret-Inga Pieski.

Avvila vuolleskuvlla sámeluohkáid oahpaheaddjit Bigga-Helena Magga ja Maarit Niittyvuopio leigga bagadallan Bohccostallit –joavkku Čuoikkaid konsearta –nammasaš teáhterbihtá. Joavkkus čájáhallet Ida Grønmo, Sunna Vihervirta, Anna Tervahauta, Fasku-Oskal Magga, Vilho-Simon Mäkinen, Jan-Kristian Magga, Ellenoora Haataja, Sandra Salminen ja Lassi-Olavi Mäkinen.

Helssegis Nášunala teáhteris ja ođđa musihkkaviesus 24.-26.5. ordnejuvvon Teatris-dáhpáhus lea oassi riikaviidosaš Nuorra Kultuvra (Nuori Kulttuuri) -dáhpáhusas, man temát molsašuddet jahkásaččat. Boahtte jagi temá lea dánsun ja dasa gullevaš dáhpáhusa namma lea Moves. Sámenuoraid dáiddadáhpáhus gullá oassin Nuorra Kultuvra-dáhpáhusaid ráidui ja doppe válljejuvvojit jahkásaččat sámenuoraid ovddasteaddjit riikaviidosaš dáhpáhusaide.

Teatris-dáhpáhusas juhkkojuvvojedje stipeanddat ja gudnegirjjit oktiibuot 38 jovkui ja dáhpáhussii oassálaste badjel 1 000 nuora miehtá Suoma.

Geahča Yle Sámi radio ođđasa ja govaid dán liŋkkas!

Geahča Nuoraid riikaviidosaš Teatris-dáhpáhusa ođassiiddu dás!