| Ođđa oahppagirjjit almmustuvve |
|
|
|
Vuođđooahpahusa davvisámegielat goalmmátluohkálaččat o˛˛ot geavahussii ođasmahtton eatnigiela oahppagirjji Gollegiellan 3 ja viđátluohkálaččat oskkoldaga ođđa oahppagirjji Násti 5 ja dasa gulavaš bargogirjji. Lassin almmustuvve ođđaprentosat anárašgielat duodjegirjjis Anarâš pivtâstem, davvisámegielat eatnigiela oahppagirjjis Mu giella 5-6 ja áppesa čakčalohkanbaji bargogirjjis Áppes, Min meahci máidnasat.
Oskkodaga oahppagirji Násti 5 ja dasa gulavaš seammanammasaš bargogirji leat jorgalusat Kustannusyhtiö Otava olggosaddán Tähti -nammasaš oahppagirjjis ja bargogirjjis. Sámegielat jorgalusaid lea bargan Anu Katekeetta. Ráiddus lea ovdal almmustahtton guđát luohká oahppagirji ja bargogirji. Ella Sarre anárašgielat Anaraš pivtâstem -girjjis almmustahttui nuppi preanttus. Girji sisttisdoallá rávvagiid anárašgárvvuid duddjomii. Vuosttas preanttus, mii almmustahttui jagi 2012, vuvdui jođánit lohppii.
Davvisámegielat áppesa Min meahci máidnasat dahkkin lea Inga Guttorm/ Oahptii Iŋgá ja govvaráhkadeaddjin lea Salli Parikka. Ráidui gullet áppesa lassin sierra bargogirjjit čakča- ja giđđalohkanbajiid várás.
Toivo West čállin 5-6 luohkáid eatnigiela oahppagirjjis almmustuvai dál nubbi preanttus. Girjái gullet maiddái ovdal almmustuvvan bargogirjjit 5- ja 6 -luohkáide.
Buot girjjit leat oa˛˛umis Sámekulturguovddáš Sajosis sámedikki skuvlen- ja oahppamateriáradoaimmahagas ja Sámi Duodji gávppis. Girjjiid sáhttá diŋgot šleađgapoasttain info(at)samediggi.fi. Lassidieđut dás. |
|
| Viimeksi päivitetty ( 18.09.2013 ) |
Eatnigiela goalmmát luohká oahppagirjji Gollegiellan 3 lea Kaaren Kitti ráhkadan. Dahkki lea ođasmahttán girjji lagamustá teavsttaid oasil. Girji vuođđuduvvá sámi muitalanárbái ja sámegielat girjjálašvuhtii.