Nuppi geardde sámekulturguovddáš Sajosis lágiduvvon dáhpáhusa lávvardateahkeda váldokonsertii vuvdojuvvui sullii 950 bileahta. Eahkeda artistat geasuhedje olbmuid festiválii arvvis fuolatkeahttá. Eahkeda loahpahii norgalaš heavyjuoigan-joavkku, Intrigue fiinna konsearta. Ijahis ija váldokonsearta lei vejolaš čuovvut maid njuolggosáttan YLE Sápmi live stream bokte YLE Areenas, gos konsearta lea geahččanláhkái vel mánotbaji. Mannan jagi live stream čuvvo badjel 800 geahči. Dánge jagi live stream lei maiddai bivnnut.

Eamiálbmogiid musihkkadáhpáhus Ijahis idja lágiduvvo jahkásaččat Anára kirkosiiddas, Sámi kulturguovddáš Sajosis. Festiválain gullat ja muosáhit sámemusihka sihke eará eamiálbmogiid musihka máŋggalágan dáhpáhusain nugo konsearttain, musihkkaseminárain, bargobájiin ja klubiin. Festivála dánjagaš temá lei Buolvvat ja dan vuođđojurddan lea buktit iešguđege buolvvaid ovddasteaddjiid sámemusihka čehpiid oktii.

Ijahis ija lágidit ovttasbarggus Anára Sámisearvi ro, Sámediggi, Sámi oahpahusguovddáš, Sámemusea Siida, Giellagas instituhtta, YLE Sápmi, Anára gielda, Sámi mánáidkulturguovddáš, Dáidaga ovddidanguovddáža Lappi guovlodoaibmabáikki, Hotealla Kultahovi, restauráŋŋa Galla.

Lassidieđut: Anu Magga

anu.magga(at)samediggi.fi +358 50 567 22 04

Ijahis ija váldokonsearta lávvardateahkedis 17.8. lea geahččanláhkái YLE Areenas 17.9. rádjai.

http://areena.yle.fi/tv/2004159