Konsearta čohkke oktii juoigiidja musihkkariid, geaiguin Valkeapää dagai guhká ovttasbarggu. Konsearttas gullat lassin sámejuoigiid ođđa buolvva. Konsearta lea musihka ja visuálalašvuođa dovduičuohcci oppalašvuohta. Sáles oktii giessasit Nils-Aslak Valkeapää luođit, govat ja maiddái sudivttat. Konseartta dáiddalašjođiheaddjin doaibmá komponista ja musihkar Seppo Paroni Paakkunainen.

Ávvukonseartta solistan leat Johan Anders Bær, Ulla Pirttijärvi-Länsman ja Niko Valkeapää. Johan Anders Bær lea kárášjohkalaš juoigi guhte barggai guhká ovttasbarggu Nils-Aslak Valkeapääin, oassálastimiin máŋggaide Áillohačča turneaiddaja báddenprošeavttaidda. Ulla Pirttijärvi-Länsman ja Niko Valkeapää gullaba fas sámemusihka ođđabulvii, mii váldá váikkuhusaid Nils-Aslak Valkeapää dáidagis iežas buvttadeapmái. Konseartta musihkas vástida Áillohaš Doahkki, masa Paroni Paakkunainen lea čohkken musihkariid geat leat barganovttasbarggu Nils-Aslak Valkeapääin. Áillohaš Doahkis loaiddastit Paroni Paakkunainen, Esa Kotilainen, Ilpo Saastamoinen, Matti Kontio, Eerik Siikasaari ja Rune Leskinen.

Konseartalágiduvvo maiddái Savoy-teáhteras, Helssegis 7.11.2013 Etnosoi!-festiválaoktavuođas. Konseartabileahtat Anára ja Helssega konsearttaidda leat vuovdinláhkai Bileahttabálvalusas www.lippupalvelu.fi. Bileahtat leat vuovdinláhkai ráddjejuvvon mearri uvssa luhtte ovdalkonseartta.Konseartta lágidit ovttasbarggus Máilmmi musihkaguovddáš/Etnosoi!, Dáidagaovddidanguovddáš, Lappi guovlodoaibmabáiki ja Sámediggi/ Sámemusihkkaguovddáš.

Lassidieđut: Anna Näkkäläjärvi-Länsman, Dáidagaovddidanguovddáš, sámekultuvrraleanadáiddár, anna.nakkalajarvi-lansman(at)minedu.fi, tel. +385295330 856 ja Anu Magga, Sámediggi, Sámemusihkkaguovddáža plánejeaddji, anu.magga(at)samediggi.fi, tel. +358 10839 31 64.