| Sámenuoraid dáiddadáhpáhus 2014 ordnejuvvo Soađegilis |
|
|
|
Sámenuoraid dáiddadáhpáhus 2014 ordnejuvvo Soađegili girkosiiddas. Dáhpáhusbáikin boahtá leahkit Soađegili ođđa valáštallanhálla girkosiidda guovddážis. Dáiddadáhpáhusa riikka dási temán lea dánsun. Sámediggi ordne dáhpáhusa ovttasbarggus Soađegili gielddain.
Sámedikki skuvlen- ja oahppamateriálalávdegoddi oahpásnuvai ođđa valáštallanhállii ja mearridii dáhpáhusa ordnemis Soađegilis čoahkkimistis čakčamánu 23. beaivve. Dáhpáhus ordnejuvvo juogo vahkus 12 dahje 13. Lávdegoddi mearrida dáhpáhusa beaivemearis čuovvovaš čoahkkimistis golggotmánu loahpas.
Dáhpáhusa riikka dási temás, mii lea dánsun, leat gávdnamis dárkilut dieđut siidduin http://sottiisimoves.fi/saannot_sa/. Dáhpáhussii árbevirolaččat gullevaš sámi kultuvrii laktáseaddji temás ii leat vel mearriduvvon. Skuvlen- ja oahppamateriáladoaimmahat váldá vuostá evttohusaid, maid sáhttá dahkat golggotmánu 25. beaivvi rádjái.
Lassedieđut dáiddadáhpáhusas dás. |
|
| Viimeksi päivitetty ( 28.09.2013 ) |