| Sámediggi oaččui dovddastusa artihkal 8(j) ollašuhttimis |
|
|
|
Sámediggi ja Meahciráđđehus lágideigga 9.10.2013 Montrealas, Kanadas dollojuvvon biodiversitehtasoahpamuša artihkal 8(j)-bargojoavkku čoahkkima olis dáhpáhusa, mas buktojuvvui ovdan Akwé: Kon -rávvagiid heiveheapmi Suomas. Suopma lea fidnen riikkaidgaskasaččat stuorra miellagiddejumi, dasgo dat lea vuosttas riika, gos rávvagat leat heivehuvvon geavadii.
Siidodáhpáhusa fáddá gieđahalai Akwé: Kon –rávvagiid ja daid heiveheami Bátneduoddara meahcceguovllu dikšun- ja geavahanplánas. Akwé: Kon -rávvagat leat dohkkehuvvon riikkaidgaskasaš biodiversitehtasoahpamuša čihččet oassebeallečoahkkimis jagi 2004. Biodiversitehtasoahpamuš geatnegahttá soahpamušoassebeliid suodjalit álgoálbmogiid luonddu máŋggahápmásašvuhtii laktáseaddji árbevirolaš dieđu, innovašuvnnaid ja vugiid. Akwé: Kon -rávvagiid atnui váldin ollašuhttá soahpamuša mihttomeriid. Suomas rávvagat gusket dušše sápmelaččaid.
Petra Magga-Vars, Heikki Paltto, Aslat Holmberg ja Klemetti Näkkäläjärvi. Govva: Inga-Briitta Magga
Akwé: Kon bargojoavkku ságadoalli Heikki Paltto muitalii bargojoavkku barggus ja dan mearkkašumis. ”Rávvagiid heiveheapmi lea deaŧalaš sápmelaččaide ja earenoamážit nuoraide. Lea deaŧalaš, ahte rávvagat váldojuvvošit láhkaásaheapmái”, Paltto muitalii. Petra Magga-Vars, sámedikki stivrra lahttu, rabai dilálašvuođa vuohkkasit juoigamiin árbevirolaš juigosa, mii muitalii sámeduodjái gullevaš árbevirolaš dieđus beaskka goarrumis ja dan bargomuttuin. Rahpansáhkavuorustis sámedikki ja álbmotlaš 8j-bargojoavkku ságadoalli Klemetti Näkkäläjärvi muitalii, makkár lea árbevirolaš dieđu dilli Suomas. Näkkäläjärvi deattuhii, ahte artihkal 8j ollašuhttin galgá dáhpáhuvvat stáhtaid ja álgoálbmogiid ovddastusorgánaid dievas ovttasbargguin ja áddehallamiin. Petra Magga-Vars mieldáhpáhusas juoigamin sámeduoji birra. Govva Inga-Britta Magga
Petra Magga-Vars, sámedikki stivrra lahttu, rabai dilálašvuođa vuohkkasit juoigamiin árbevirolaš juigosa, mii muitalii sámeduodjái laktáseaddji árbevirolaš dieđus beaskka goarrumis ja dan bargomuttuin. Rahpansáhkavuorustis sámedikki ja álbmotlaš 8j-bargojoavkku ságadoalli Klemetti Näkkäläjärvi muitalii, mii lea árbevirolaš dieđu dilli Suomas. Näkkäläjärvi deattuhii, ahte artihkal 8j ollašuhttin galgá dáhpáhuvvat stáhtaid ja álgoálbmogiid ovddastusorgánaid dievas ovttasbargguin ja áddehallamiin. "Lea deaŧalaš gullat riikkaidgaskasaš servošis oainnuid man láhkai artihkal 8(j) ollašuhttin lea ovdánan eará guovllus ja oainnuid das, man láhkai Suopma ja Suoma sámediggi leat barggus lihkostuvvan. 8j-artihkala ja dan ovddidanbarggu lea deaŧalaš doalahit ovdan riikka siste ja riikkaid gaskasaččat, dasgo dat lasiha maid deattu Supmii beavttálmahttit ja buoridit eanet ahte eanet sápmelaččaid luonddu máŋggahápmásašvuhtii gulli árbevirolaš dieđu suoji", ságadoalli Näkkäläjärvi muitalii. Sámediggi muitalii Suoma biodiversitehtastrategias sihke Suoma 8j-artihkala ollašuhttima várás vuođđuduvvon bargojoavkkus, mii iežas doaibmagovain sihke mearkkašahtti rollain, man sápmelaččat das leat ožžon, lea davviriikkain áidnaláhkásaš. Meahciráđđehus buvttii ovdan sáhkavuorustis iežas ráhkadan bissovaš málle Akwé: Kon -rávvagiid heiveheami várás sámiid ruovttuguovllu eanageavaheami stivremis. Nu sámediggi go Meahciráđđehusge buvttiiga ovdan iežaska duđavašvuođa rávvagiid doaibmamis sihke iežaska ovttasbarggu buorráneamis Akwé: Kon -proseassa mielde. "Meahciráđđehus lea válmmaštallan ovttas sámedikkiin bissovaš málle Akwé: Kon -rávvagiid heiveheamis sámiid ruovttuguovllus stáhta hálddu vuloš eana- ja čáhceviidodagaid anu plánemis. Málle lea jo váldojuvvon atnui", Sanna-Kaisa Juvonen muitalii.
Lassedieđut:
|
|
| Viimeksi päivitetty ( 10.10.2013 ) |