| Sámenuoraid dáiddadáhpáhus ordnejuvvo Soađegilis 27.3.2014 |
|
|
|
Sámenuoraid dáiddadáhpáhus 2014 ordnejuvvo Soađegili girkosiidda ođđa valáštallanhállas duorastaga njukčamánu 27. beaivve. Jagi temán lea dánsun ja sámi temán govva eallis. 0-4 luohkálaččat oassálastet govvadáiddagilvui, boarrásappot čuovgagovvagilvui. Juohkehaš sáhttá oassálastit ovttain govain.
Riikkaviidosaš dánsundáhpáhus SottiisiMoves dollojuvvo Tamperees 11.-15.6. Dáhpáhussii válljejuvvojit sámenuoraid ovddasteaddjit, juos fal joavku ja sin bagadalli háliidit váldit oasi vaikko geasseluomut leat juo álgán. Dáhpáhusas leat eanát dieđut interneahtas siidduin http://sottiisimoves.fi/info/njuolggadusat_sa/.
Soadegili dáhpáhus bistá ovtta beaivvi, muhto geahččalit ordnet idjadanbáikki skuvllain guhkesmátkkálaččaide. Eará sajiin idjadeami goluid joavku máksá ieš. Dárkilut oassálastinrávvagat sáddejuvvojit skuvllaide maŋŋeleappos. Sámedikki ruovttusiidduin lea rapoarta Heahtá dáhpáhusas 2013.
Skuvlen- ja oahppamateriáladoaimmahat |
|
| Viimeksi päivitetty ( 05.11.2013 ) |